NRK Meny
Normal

Svindal åtte månader etter Kitzbühel: – Kan ikkje trene med resten av laget

Aksel Lund Svindal slit framleis etter skrekkfallet i januar.

Aksel Lund Svindal

SLIT: - Eg kan nok ikkje trene saman med dei andre i Chile, seier Aksel Lund Svindal

Foto: Roald, Berit / NTB scanpix

– Eg trur ikkje eg kan trene skikkeleg med dei andre i løpet av denne samlinga her, seier Aksel Lund Svindal.

Han er i Chile på treningsleir saman med resten av det alpine fartslaget. Men etterverknadane av kneskaden han fekk i skrekkfallet i Kitzbühel i januar er framleis godt merkbare.

– Det blir nok ikkje før seinare i haust, kanskje i USA, seier Svindal til NRK.

I Chile må han trene roleg for seg sjølv.

– Det blir mest frikøyring, ikkje løypekøyring, seier han. – Nokre lette portar lengst nede i løypa kan det nok bli, men eg kan ikkje trene for fullt med dei andre.

Forsiktig med det «nye» kneet

Aksel Lund Svindal kne

NYTT: Dette kneet var øydelagt i Kitzbühel. Men Svindals «nye» kne er enno ikkje heilt klart til bruk

Foto: Vegard B. Lien / NRK

Skaden etter det spektakulære og stygge fallet i Kitzbühel viste seg nemleg å vere langt meir komplisert enn det først såg ut til. Korsbandet rauk, og i tillegg var det knusingsskadar og brusk i kneet.

Det merkar han godt enno, nesten åtte månader seinare.

Derfor må han vere forsiktig med å belaste det «nye» kneet. Først i slutten av august våga han å prøve seg på ski igjen. NRK var med då han testa ski og kne i italienske Stelvio.

– Eg har smerter i kneet, og det blir også lett hevelsar. Det toler ikkje full trening enno, seier Svindal.

– Men det er ikkje smertene som gjer at eg er forsiktig. Det er frykta for å overbelaste kneet for tidleg.

71 dagar til Lake Louise

– Er det utfordrande å vere saman med dei andre utan å kunne trene med dei?

– Det kan det bli når vi kjem til Portillo i helga. Der skal dei begynne med utfor. Men det skal nok gå greitt.

Om 71 dagar startar verdscupsesongen for fartskøyrarane i kanadiske Lake Louise.

– Er du betenkt?

– Midt på treet. Eg var optimistisk etter treninga i Stelvio, der gjekk det overraskande lett. Men der var det lette forhold. Her er det litt meir kupert og litt meir varierande snøtilhøve. Går alt etter planen, skal eg prøve meg i den nedste og lettaste delen av løypa om nokre dagar

– Men planen er naturlegvis å starte i Lake Louise, seier Aksel Lund Svindal.

Sjå fallet til Aksel Lund Svindal i Kitzbühel 23. januar:

Aksel Lund Svindal ble enda et offer for den farlige venstresvingen i Kitzbühel. Nordmannen kom seg heldigvis på beina og vinket til publikum.

Først i slutten av august prøvde han seg på ski igjen, i Stelvio i Italia:

Aksel Lund Svindal står på ski for første gang på ski etter korsbåndskaden han pådro seg i Kitzbühel.

Siste nytt

  • TV 2: Thoresen på vei til KHL igjen

    Patrick Thoresen ser ut til å forlate Storhamar etter søndagens kamp mot Frisk Asker. Ifølge TV 2 skal ishockeyveteranen igjen spille i SKA St. Petersburg.

    Spilleren har selv ikke kommentert nyheten om overgangen. Thoresen spilte for SKA i perioden 2011-2015.

    GET-Ligaen i hockey 2017/18: Frisk Asker - Storhamar
    Foto: Fredrik Hagen / NTB scanpix
  • Hadde møte om Northugs oppførsel

    Landslagsutøvere i langrenn og Norges Skiforbund diskuterte Petter Northugs oppførsel i et møte tirsdag.

    Telefonmøtet ble holdt mellom enkelte personer i Norges Skiforbund og de tillitsvalgte i elitelandslagene for langrenn, skriver VG.

    Avisen skriver at flere i utøvergruppen har reagert negativt på Northugs Instagram-stunt. I tillitsmannsutvalget sitter Ingvild Flugstad Østberg, Eirik Brandsdal, Martin Johnsrud Sundby og Ragnhild Haga.

    Northug
    Foto: Carina Johansen / NTB Scanpix
  • Røste ber Norge vente med OL

    Skipresident Erik Røste ber Norge vente med en ny OL-søknad. Både Telemark og Vestlandet har meldt sin interesse for å arrangere OL i 2026.

    – Etter min mening er det for tidlig å starte en ny prosess allerede nå, sier han til NTB.

    Skipresidenten
    Foto: Ole Martin Sponberg / NRK

Sendeplan

Kl. Program Kanal
Firenasjonersturnering håndball kvinner: Norge - Sør-Korea
4-4-2 Europa League: Rosenborg - Real Sociedad