Hopp til innhold

Omdiskuterte Emily fekk truslar etter kommentaren til statsministeren – no er ho nominert til pris

Sykkeltalentet Emily Bridges seier ho har teke imot truslar etter ein kommentar frå statsminister Boris Johnson. No kan ho også bli mottakar av ein pris.

Emily Bridges og Boris Johnson

SA FRÅ: Johnson har gitt uttrykk for kva han meiner som kvinner som Emily Bridges (til venstre) i idretten.

Foto: Diva Magazine/OLI SCARFF / Faksimile/AFP

– Dette gjorde ein dårleg dag litt betre, skriv Emily Bridges på Instagram etter at nominasjonen vart kjend måndag.

Syklisten er éin av fire kandidatar som kan vinne den såkalla Dan Porter-prisen, ei utmerking som blir delt ut til ein person eller ei gruppe som har overvunne motgang og påverka positivt innanfor universitetsidretten.

For motgang har det vore nok av for Bridges.

21-åringen har nemleg stått i ein massiv storm i Storbritannia dei siste månadene – ein storm til og med statsministeren har involvert seg i.

Blir nekta å delta

Det heile starta med at Bridges kom ut som transkjønna i oktober 2020. Fram til då hadde syklisten gjort det bra på herresida, mellom anna ved å setje britiske juniorrekordar for menn på distansane 10 og 25 engelske mil.

I 2021 byrja transkvinna på hormonbehandling, og i april i år skulle ho eigentleg delta i kvinneklassen i den britiske banemeisterskapen.

Slik vart det likevel ikkje.

To dagar før konkurransen fekk ho kontrabeskjed av Det britiske sykkelforbundet (BC), etter at Det internasjonale sykkelforbundet (UCI) hadde sett ned foten.

Bridges hadde oppfylt det tidlegare kravet til det britiske særforbundet – at ryttarar i kvinnekategorien må ha hatt testosteronnivå under fem nanomol per liter i eitt år før konkurransen, ifølgje Sky Sports.

Til samanlikning har menn som regel eit testosteronnivå mellom 7 til 30 nmol/L, medan kvinner vanlegvis har under 3 nmol/L.

Likevel vart planane stoppa, då UCI opplyste det britiske sykkelforbundet om at Bridges-deltaking var brot på det internasjonale rammeverket. Det førte til at det nasjonale forbundet suspenderte sine eigne reglar, og dei har no lova ein full gjennomgang.

I mellomtida får ikkje transkvinner sykle konkurrere i kvinneklassane.

– Ingen burde trenge å velje mellom å vere den ein er, og deltaking i idretten dei elskar, skreiv hovudpersonen sjølv på Instagram.

Og så kom Boris Johnson på banen.

– Eg synest ikkje biologiske menn bør konkurrere i kvinnelege sportsarrangement. Kanskje det er kontroversielt å seie, men det er det fornuftige for meg, uttalte statsleiaren, ifølgje BBC.

Les også Vil undersøke kjønnsorganene til skolebarn for å «redde kvinneidrett»

Zooey Perry og lovforslag (innfelt)

Blir trua med knuste kneskåler

Denne uttalen skal ifølgje Bridges ha sett i gang ein hatstorm mot henne.

– Det er veldig rart å sjå det som truleg er den mest berømte mannen i Storbritannia, snakke om deg og ha ei meining om noko han ikkje kan noko om.

Protestanter under svømmestevne i USA

PROTESTAR: Plakatar med bodskap som dette vart halde opp av tilskodarane på den britiske banemeisterskapen, der Bridges vart nekta å delta. (Akkurat dette biletet er teke under eit symjestemne i USA).

Foto: John Bazemore / AP

Det fortalde ho i eit TV-sendt på ITV førre veke.

– Responsen var som forventa. Eg fekk truslar om fysisk vald av heilt framande. Folk har rett til at ha ei meining, men dei treng ikkje å true meg med knuste kneskåler for å få fram den meininga, sa syklisten, som altså framleis ikkje har delteke i ein konkurranse for kvinner.

Bridges la til at kommentaren gjorde henne redd i offentlegheita, og at ho frykta å bli kjenna att på gata.

Støtta og kritisert

I kjølvatnet av heilomvendinga til det britiske sykkelforbundet og involveringa til statsministeren, har reaksjonane og oppslaga vore mange.

OL-vinnar Katie Archibald gjekk ut og støtta sykkelkollegaen sin offentleg,

– Desse retningslinjene har sett utøvarane, engasjementa deira i sport og deira personlege liv under intens gransking når alt utøvarane har gjort er å følgje reglane, var hennar kommentar til UCIs behandling av transkvinner.

Tidlegare OL-symjar Sharron Davies har gjort det motsette av å støtte, og ho oppmodar fleire til å gjere det same.

Tweet av Sharron Davies

KLAR TALE: OL-symjar Sharron Davies har kasta seg inn i debatten.

Foto: Skjermdump / Twitter

– Eg er skuffa over at profilerte utøvarar som forstår at menn i kvinnesport er urettferdig, ikkje uttaler seg offentleg, er bodskapen hennar på Twitter.

– Vi lèt ikkje kjensler styre korleis vi kategoriserer sport, det ville vore galskap, seier ho.

Meiner det bør vere plass til alle

Men Emily Bridges er absolutt ikkje den første som skaper overskrifter på grunn av kjønnsidentitet og toppidrett.

I USA har symjaren Lia Thomas sørgde for det same, og i fjor sommar var vektløftaren Laurel Hubbard, som deltok i kvinneklassen i OL, hovudpersonen i den «evige debatten».

Les også OLs første åpne transkvinne skal delta i kvinneklassen – det skaper debatt

FILE PHOTO: Laurel Hubbard of New Zealand reacts at Gold Coast 2018 Commonwealth Games

Ross Tucker er forskar og ekspert på testosteron i idretten. Han meiner idretten umogleg kan gi rettferd for kvinner og samtidig inkludere transkvinner.

– Ein må skjønne kvifor kvinneidrett eksisterer. Kvinner bør vernast mot «mannlege fordelar» i idretten, har han sagt i podkasten «The Real Science of Sport».

Håvard B. Øvregård, seniorrådgivar for verdiarbeid i Noregs idrettsforbund, meiner det bør vere plass til alle i idretten.

– Vi har idrettsglede for alle som visjon for norsk idrett. Det er bakgrunnen for at vårt råd til idrettslag og forbund, er at i breiddeidretten bør alle få delta i den kjønnskategorien dei identifiserer seg med.

I toppidretten er det IOCs rammeverk som gjeld. Det vart oppdatert i november 2021.

– Erfaringa mi er at når ein tek omsyn til verkelege personar, så blir problemstillinga mykje enklare, avsluttar Øvregård.

Les også Idrettens «umulige debatt» raser: Kjønnstesting, utestengelser og ødelagte liv

kombobilde

Siste nytt

  • Forbannet Hovland midt i fiaskorunde: – Så jævlig dårlig du er

    Viktor Hovland hadde en mildt sagt tung dag på jobb under majorturneringen The Masters fredag kveld norsk tid. Allerede på det første hullet kom en forsmak på det som var i vente, da han gikk av med en såkalt bogey. Det vil si at han brukte ett slag «for mye». På hull to ble vondt til betydelig verre, og etter banens fem første hull, lå han hele sju slag over par.

    – Den verste starten i manns minne, kommenterte Discovery-ekspert Per Haugsrud.

    – Et sjokk for systemet, supplerte kollega Henrik Bjørnstad.

    Hovland var avhengig av å pynte på scoren for å kvalifisere seg til turneringens to siste dager, men da han vartet opp med nok et skjevt utslag i sterk vind på den allerede fryktinngytende golfbanen Augusta, rant det over for 26-åringen.

    – Det er så sjukt. Det er så sjukt, ropte han i fortvilelse, før han utbrøt:

    – Så jævlig dårlig du er i golf!

    Discovery-ekspert Marius Thorp fikk med seg utbruddet:

    – Det er en reaksjon på at han ikke får til det han vil. Han vet nok godt at han ikke er jævlig dårlig i golf, sa han under kanalens studiosending.

    Avslutningen ble også et mareritt for mannen som skrev norsk idrettshistorie så sent som i august, og en dobbeltbogey på hull 15 fjernet alt håp om at han skulle klare cuten.

    Hovland hadde ikke misset en cut siden Scottish Open sommeren 2022, men nå går altså Masters-helgen uten nordmannen. Bare topp 50 får være med lørdag og søndag, og fredagens fiaskorunde sendte Hovland ned på en delt 71.-plass (runden pågår fortsatt).

    I tillegg til tidlig hjemreise, betyr resultatet ny verstenotering i en profesjonell turnering. Den forrige var en runde på 80 slag under Porsche European Open tilbake i 2018. Fasiten fredag er 81 slag, ni over par.

    Trioen i tet ligger på seks slag under par.

    Viktor Hovland, The Masters
    Foto: JAMIE SQUIRE / AFP
  • Strand Larsen-mål ikke nok for Celta Vigo

    Jørgen Strand Larsen notert seg med én scoring da Celta Vigo tapte 1-2 borte mot Real Betis i La Liga fredag kveld.

    Haldenserens scoring kom imidlertid ett minutt på overtid, og da ble det fryktelig kort tid for gjestene å snu kampen.

    Scoringen kom da nordmannen styrte inn en rakett fra Franco Cervi. Nettkjenningen var Strand LArsens 11. i ligaen denne sesongen.

    Fra før hadde Juan Miranda sendt vertene i ledelsen etter 53 minutter, før Nabil Fekir doblet en halvtime senere.

    Celta ligger på 17.-plass på La Liga-tabellen og har virkelig kniven på strupen for å unngå nedrykk. Det skiller bare tre poeng ned til Cádiz på nedrykksplass.

    Betis ligger på sin side helt oppe på 7.-plass og er for virkelig med i kampen om europaspill neste sesong. (NTB)

    Strand Larsen
    Foto: Reuters
  • Delte serien i jakt på VM-plass

    Håvard Sandstad Eidsmo (Freidig) og Eirik Langedal Breivik (NTNUI) delte seieren i sprintløpet i Halden O-meeting, den første viktige konkurransen på norsk jord i orienteringssesongen.

    Dermed har de festet grepet om to av de åtte ledige plassene til verdenscupåpningen i Sveits og Italia, konkurranser hvor det er viktig å prestere for å få en plass i troppen til VM i Skottland i sommer.

    I kvinneklassen tok Andrine Benjaminsen (Lillomarka) en klar seier.

    Håvard Sandstad Eidsmo og Eirik Langedal Breivik
    Foto: Ivar Haugen / NOF

Sendeplan

Kl. Program Kanal