Lionel Messi med sitt åttande hat trick i meisterligaen

Lionel Messi innfridde til fulle med tre scoringar då Barcelona opna meisterligaen med solide 4–0 over PSV Eindhoven.

Lionel Messi

STERK START: Lionel Messi scora tre gonger og Barcelona fekk ein perfekt start på årets meisterliga

Foto: Manu Fernandez / AP

Laster innhold, vennligst vent..

Den vesle argentinaren scora sitt åttande hat trick i meisterligaen, og det er rekord. Han viste at han er tilbake etter eit skuffande VM i sommar. Messi har allereie fire mål bak seg i La Liga denne sesongen, og plussa på med tre nye i meisterligakampen heime på Camp Nou i kveld.

Messi har dermed også scora i 14 meisterligaer på rad – ein rekord han deler med Real Madrids legende Raul. Og han har scora 104 mål i dei turneringane.

Barcelona er i gang igjen, 23 veker etter at dei blei brutalt dumpa ut av meisterligaen i kvartfinalen førre sesong. Ni av dei elleve som starta der, starta også i kveld.

PSV yppa seg med eit par gode sjansar i byrjinga av kampen. Men det ville ikkje Barcelona og Messi ha noko av.

1-0-målet kom på eit kunstverk av eit frispark frå argentinaren – hans åttande direkte frisparkmål i år. Etter det såg ikkje Barcelona seg tilbake. Ousmane Dembélé sette inn 2-0, og Messi plussa på både det tredje og det fjerde.

Malurten i begeret kom då Samuel Umtiti fekk sitt andre gule kort og måtte rusle av bana drygt ti minutt før full tid.

Laster Twitter-innhold

For Barcelona var dette den 27. kampen på rad utan tap i europeiske turneringar. 25 av dei har gitt siger.

Tottenham sprakk

Tottenham scorer

SPRAKK: Christian Eriksen scorar for Tottenham og ser ut til å gi Spurs siger. Men Inters sluttspurt vart for sterk

Foto: ANDREAS SOLARO / AFP

I den andre kampen i gruppe B såg Tottenham ut til å ha kontroll. Christian Eriksen sende engelskmennene i føringa like etter pause, og verka for å gå mot tre sterke bortepoeng.

Men ut av det blå dukka Mauro Icardi opp og banka inn utlikninga på heil volley fem minutt før full tid. Og på overtid gjorde Matías Vecino snuoperasjonen komplett ved å heade inn 2–1.

Tottenhams superspiss Harry Kane har ikkje funne tilbake til taktene som gav han toppscorartittelen i VM, og kom til få sjansar i denne kampen. Tottenham gjekk dermed på sitt tredje tap på rad.

Laster innhold, vennligst vent..

For 70.000 Inter-fans blei det ein jubelkveld, seks og eit halvt år etter førre gong klubben spela i meisterligaen.

Laster innhold, vennligst vent..

Siste nytt

  • Eikelands første mål i England

    Amalie Eikeland fikk æren av å fastsette resultatet i Readings 3-1-seier over Tottenham søndag. Det var bergenserens første mål i den engelsk superligaen.

    Alene mot gjestenes keeper var den norske landslagsspilleren iskald.

    Reading ligger på 6.-plass etter ni kamper.

    Chelsea-duoen Maren Mjelde og Guro Reiten startet i 1-1-kampen borte mot Liverpool, og Reiten sto for innlegget da Bethany England nikket inn gjestenes mål.


    Eikeland
    Foto: Stian Lysberg Solum / NTB scanpix
  • Norges veg til OL

    Etter fjerdeplassen i VM er det klart at dei norske handballkvinnene skal møte Montenegro, Romania og Nord-Korea i kvalifiseringa til OL i Tokyo.

    Kampane blir spela i mars, og to av dei fire laga går til OL.

    Håndball VM kvinner Kumamoto Japan
    Foto: Vidar Ruud / NTB scanpix
  • Nederland tok VM-gull

    Nederland er verdensmester i kvinnehåndball for første gang etter 30-29 over Spania i finalen. Avgjørelsen falt noen sekunder før slutt.

    Nederlenderen ledet 16-13 ved pause foran snaut 10.000 tilskuere i Park Dome. Nederland førte også 29-27, men gjorde feil på feil i sluttfasen. Likevel ble Lois Abbingh helt med sitt straffemål like før slutt.

    Gullaget tapte hele tre kamper i mesterskapet, mest av alle semifinalistene sammen med Norge. Nederlagene kom mot Slovenia, Tyskland og Danmark.

    or0nlaLm-ZE
    Foto: Vidar Ruud

Sendeplan

Kl. Program Kanal