Hopp til innhold

Her trossar han regjeringas råd: – Vil sikkert få kjeft

Med Italia som mål og i fare for å sitte koronafast reiser Vetle Sjåstad Christiansen på privat høgdeopphald. Skiskyttarens landslagstrenar Egil Kristiansen er skeptisk.

Vetle Sjåstad Christiansen

NØYE PLANLEGGING: Vetle Sjåstad Christiansen markerer i kalenderen når han skal på høgdesamling og når han må i karantene.

Foto: Hans Henrik Bårtvedt / NRK

Det kommande VM og det kommande OL blir kanskje det viktigaste Vetle Sjåstad Christiansen gjør i karrieren.

No er 28-åringen desperat etter å få nok treningsdøgn i høgda for å unngå nedtur i Pokljuka og Beijing.

Derfor bestiller han flybillett til München med mål om tynn luft i italienske alper - utan gjeldande reiseforsikring og med fare for å bli koronafast dersom grensene stenger igjen.

– Det er «all in» med litt risiko, seier Sjåstad Christiansen.

Krav

Den 12. august - rett etter Blinkfestivalen i Sandnes - statsar han på utreise.

Ifølge Utanriksdepartementet skal ein ikkje reise ut av Skandinavia før 20. august med mindre ein må på viktige arbeidsoppdrag.

Men Sjåstad Christiansen er klar på at dette er ei arbeidsreise han må ha for å innfri forventningane i VM på 1300 meter og OL på 1700 meter.

– Med krava som blir stilt til norsk suksess er det nødvendig for meg å gjøre det eg kan for å bli klar. Og unngå å ligge på folkets slaktebenk før start, legg han til.

Skeptisk

20. juli håpar han riktig nok at regjeringa vil lette på reiserestriksjonane.

Inntil vidare går trenar Egil Kristiansen med ei viss frykt for at elevens solo-tur kan ende med energitap og ikkje energifyll.

– Korona-krisa er ikkje over. Vi såg jo det som skjedde med Nordstad Moen i Kenya, seier ein skeptisk Kristiansen.

Sjefen støttar også at Sjåstad Christiansen må ha nok høgdedøgn til å takle VM på 1300 meter og OL på 1700 meter, men ikkje dersom «vinninga går opp i spinninga».

– Det viktigaste er grunntreninga. Han må ikkje hige etter høgdetrening bare for høgdetreninga sin del dersom det går ut over den gode treninga, seier Kristiansen.

Reisekamerat: – Ingen kjære mor

Sjåstad Christiansen må også ha med seg hjelp for å gjennomføre høgdeopphald i knappe tre veker. Når NRK bestiller flybillett med 28-åringen kjøper han også seteplass til kameraten Martin Bårtveit.

Når Sjåstad Christiansen bestiller billett har han riktig nok ikkje gitt beskjed om at kompisen må ta ti dagar i karantene ved retur til Norge.

– Eg får tilby han ei husleige eller to, så får vi håpe at han blir med, seier Sjåstad Christiansen lattermildt.

– For du kan ikkje vere aleine?

– Aleine er ikkje dette gjennomførbart. Det er ein del organisering og transportering som må til, spesielt på lange rulleskiturar oppe i fjella.

Når NRK ringer Bårtveit har han fått melding om at billettane er i boks.

– Det blir reise. Vi må jo opp i høgda, seier kompisen, som er i gang med å studere massasjevideoar på Youtube.

– Har du massert før?

– Nei. Men han skal få knallhard sportsmassasje. Her blir det ingen kjære mor.

Egil Kristiansen

SKEPTISK: Landslagstrenar Egil Kristiansen ber Sjåstad Christiansen passe seg for å miste energi på ambisiøse høgdeprosjekt under koronapandemien.

Foto: Geir Olsen / Geir Olsen

Kjeft

Resten av landslaget ser ut til å reise på første høgdesamling i oktober. Men Sjåstad Christiansen meiner det blir for lite.

Han vil også bruke juleferien i utlandet håp om å maksimere gullsjansane.

– Egil (Kristiansen) ser poenget med å få nok høgdedøgn, men på alle andre plan anbefaler han det ikkje akkurat no. Men eg er så sterk i trua på at det er dette som må til.

«Bestilling gjennomført» lyser opp på Sjåstad Christiansens PC-skjerm. Flybillettane til München er i boks. No gjenstår bare overnatting.

– Eg vil sikkert få kjeft av Egil i kveld, men det får vi tole, seier Sjåstad Christiansen lattermildt.

PS: Skiskyttaren vurderer også å reise til andre nærliggande land i Europa dersom innreise i Italia ikkje skulle gå. Utgangspunktet er München og derfra startar jakta på høgdemeter.

Siste nytt

  • Betis-fansen laga bråk i Roma

    Det gjekk hardt for seg i Romas gater etter at heimelaget blei slått 2–1 av Real Betis i Europaligaen torsdag. Italienarane rasar mot oppførselen til spanjolane.

    – Søppel overalt, og til og med menn som brukte søylene som urinalar, skriv italienske Il Fatto Quotidiano, ifølge spanske AS.

    Det var rundt 5000 Betis-fans på torget Piazza del Popolo i den italienske hovudstaden torsdag kveld.

    Avisa La Repubblica omtaler torget som «eit teppe av søppel» fredag morgon og skriv at det var fleire av spanjolane som kasta tomme ølflasker på vindauga til ein bar i Trastevere-området.

    I ein video på Twitter kan ein sjå torget fult av søppel, og renovasjonsarbeidarar som ryddar opp etter torsdagens kaos.

    Real Betis-fans i Roma
    Foto: ALBERTO LINGRIA / Reuters
  • – Målbonus gir Haaland 10 mill. i veka

    Den ville scoringsforma til Erling Braut Haalands gjer at han ligg an til å tene over ti millionar kroner i veka i Manchester City, ifølgje Daily Mail.

    Den britiske storavisa hevdar å vite at Haaland har ei rekkje «vanlege» bonusar i kontrakten sin som gjer at jærbuen med prestasjonane han viser i dag, vil innkassere ei årsløn på svimlande 45 millionar pund (865.000 pund i veka).

    Det svarar til 536 millionar kroner etter dagens kurs, og gjer han truleg til den best betalte spelaren i Premier League.

    Haaland har skåra hat trick i tre heimekampar på rad i den engelske toppdivisjonen. I alt har han skåra 19 mål på 12 kampar for City, og nordmannen ber det heitaste namnet i fotballverda om dagen.

    I serien har det vorte 14 mål på 8 kampar. Om Haaland skulle klare å halde oppe målsnittet sitt gjennom heile sesongen, vil han ende på 67 Premier League-mål i 2022/23.

    Laurdag ventar heimekamp mot Southampton for City og den målhungrige jærbuen.

    Haaland
    Foto: Nick Potts / AP
  • Carl-Fredrik Bunæs er død

    Den tidlegare friidrettsutøvaren Carl-Fredrik Bunæs sovna stille inn torsdag kveld etter lengre tids sjukdom. Han blei 82 år gammal.

    Det opplyser sonen Per Christian Bunæs i ei melding til NTB.

    Bunæs var blant dei fremste sprintarane i Norden tidleg på 1960-talet. Som senior tok han 18 individuelle NM-gull (fem på 100 meter, ni på 200 meter og fire på 400 meter) frå 1957 til 1966.

    Han deltok i Roma-OL i 1960 og rauk ut i kvartfinalane på 100 og 200 meter.

    I sin aktive karriere gjekk han som regel under namnet «Bassen Bunæs». Han var spesielt kjend for sin solide innsats i landskampar..

    – Vi som hadde glede av å springe stafettar på for eksempel 4 x 400 meter kunne seie at det ikkje var så¨farleg kva vi gjorde, for Bassen ordna opp på siste etappe, skreiv hans klubbkamerat i Tjalve, Arne Kvalheim, på twitter då dødsfallet var kjent.

    Bunæs let etter seg seg to barn og fire barnebarn.

    Carl Fredrik Bunæs
    Foto: Knut Edvard Holm / NTB

Sendeplan

Kl. Program Kanal
Spilleliste med 64 klipp
Sport
Spiller nå
Kjønn og religion er ingen hindring 00:45
Neste