NRK Meny
Normal

Håvard Bøkko brakk beinet: – Kjedeleg at sånt skjer

OLYMPIATOPPEN (NRK): Håvard Bøkko har fått ein trøblete start på comebacksesongen. I påska var han uheldig og brakk leggbeinet då han prøvde å ta ein baklengs salto.

Håvard Bøkko

KRYKKER: Håvard Bøkko på krykker Olympiatoppen i Oslo tirsdag. 30-åringen håpar å kaste krykkene i begynnelsen av juni.

– Eg hoppa, men fekk ikkje noko god landing, seier Håvard Bøkko til NRK.

Det var heime på Hol uhellet skjedde. Bøkko sto på bakken og skulle ta ein såkalla «backflip», eller baklengs salto på godt norsk.

Eit hopp som krev spenst og kordinasjon, og eit hopp den akrobatiske 30-åringen har gjort mange gongar før.

Men denne gangen gikk det galt i satsen.

– Eg missa litt på hoppet. Dermed fekk eg ikkje nok kraft, og landa veldig dårleg. Eg skjøna med ein gang at beinet var øydelagt. Då var det berre å komme seg til røntgen, og få konstatert at beinet var brote.

Håvard Bøkko 2

COMEBACK: Håvard Bøkko gjer comeback før OL-sesongen.

– Eg var skikkeleg stolt av meg sjølv, seier Bøkko ironisk.

– Du angrar med ein gang. Kvifor skulle eg hoppe der og då. Men det kunne skjedd når som helst, og kor som helst, trøystar han seg med.

– Kjedeleg

Hol-væringen fortel at leggbeinet brakk «ganske langt nede på ankelen». Han blei køyrt til sjukehuset og operert. Resten av påska tilbragte han på sofaen med gips og krykker.

På grunn av skader og motivasjonsproblem la Bøkko bort skøytene under fjorårets sesong.

Men 30-åringen har fått gnisten tilbake og satsar for fullt mot OL i 2018.

Difor synes han det er «kjipt» at beinbrotet kom etter ein god treningsperiode.

– Ja, det er det som var litt kjedeleg, fordi eg har trent godt sidan januar-februar, seier han.

Han opplyser at han har trent 10-11 økter i snitt i veka dei siste månadane. Men at det tross alt er eit plaster på såret at han var i god form då fallet skjedde.

Bøkko

KLAR FOR NY SESONG: Håvard Bøkko har 1500-meteren i OL som sitt store mål. Her på 5000-meteren under verdscupen i Stavanger i januar 2016.

Foto: Carina Johansen / NTB scanpix

– Blir endå meir «svolten»

Tirsdag møtte han resten av landslaget til sesongens første treningssamling i Oslo. Mens resten av laget trente i Bærum ishall, sat han på ergometersykkelen på Olympiatoppen.

Han skal gå på krykker fram til rundt 1. juni. Difor blir det «alternativ» trening i mai. I juni håpar han igjen å kunne sykle og gå på rulleskøyter.

– Kjem dette til å hindre eit vellukka comeback frå Håvard Bøkko?

– Nei, det skal det ikkje. Eg blir berre endå meir svolten på å gjere ein ordentlig jobb i sommar. Eg har lagkameratar som kjem til å «pushe» meg.

– Eg kjem til å henge litt etter i starten av sommaren, men får berre prøve å ta dei igjen inn mot hausten. Eg trur dette skal gå bra dersom alt anna går på skinner. Det er ein god mulegheit for at dette går veldig fint., seier Håvard Bøkko.

Bøkko sitt store mål denne sesongen blir 1500-meteren i Pyeongchang. Hans beste olympiske resultat er bronse på 1500-meteren i Vancouver OL i 2010. Hans største triumf nokonsinne er VM-gullet, også det på 1500, under VM enkeltdistansar i 2011 i Inzell.

Siste nytt

  • Kvinnekombinert inn på VM-programmet

    Kombinert for kvinner blir for første gang VM-øvelse i Oberstdorf i 2021, sammen med lagkonkurranse i hopp for kvinner. Det ble klart på FIS-kongressen i greske Costa Navarino fredag.

  • – Ronaldo tilbudt å betale 140 mill.

    Cristiano Ronaldo skal ifølge avisen El Mundo ha foreslått å betale de over 140 mill. kronene (14,7 mill. euro) han er skyldig i skatt til spanske myndigheter. Ronaldo er beskyldt for å ha unndratt skatt gjennom å bruke skatteparadiser i utlandet i årene 2011 til 2014.

    Spain Soccer La Liga
    Foto: Emilio Morenatti / AP
  • Junior-VM i alpint 2020 til Narvik

    Narvik skal arrangere junior-VM i alpint 2020. Det ble besluttet på FIS-kongressen i Hellas torsdag. Mesterskapet skal arrangeres 5.–15. mars 2020. I Narvik jobbes det for å få senior-VM i 2025.

Sendeplan

Kl. Program Kanal