NRK Meny
Normal

Rung med ny medalje: – Det beste løpet ho har gjort

RIO DE JANEIRO/OSLO (NRK): Sarah Louise Rung imponerte alle og tok sin femte medalje i Rio, med bronse på nattas finale på 50 meter rygg. No må trenaren dra fram gitaren.

Sarah Louise Rung

NY JUBEL: Fem medaljar på seks forsøk, er fasit for Sarah Louise Rung i Rio.

Foto: Caroline Dokken Wendelborg / Norges Idrettsforbund

– Eg er kjempe godt nøgd. Eg hadde som mål å ta fem medaljar her nede og dette var ikkje ein av dei øvingane eg hadde peika meg ut. Eg kunne ikkje gjort noko betre enn tredjeplass her, seier Rung til NRK etter medaljeløpet.

Ho slo i veggen på 45,40, og var med det sekundet bak tsjekkiske Bela Trebinova. Gullet gjekk til spanske Teresa Perales.

– Ho kom mykje betre i gong enn i forsøket og ho har aldri svømt så bra før, seier trenar Morten Eklund.

Sjå video av løpet lengre nede i artikkelen.

Trenaren må dra fram gitaren

At Rung svømte eit kjempeløp går no utover trenaren. Før løpet hadde ho eit veddemål med Morten Eklund og reglane var enkle, tok Rung medalje på 50m rygg skulle ha dra fram gitaren og spela ein låt.

Morten Eklund

GITARIST: Trenar Morten Eklund må dra fram gitaren, etter at Sarah Louise Rung tok medalje i natt.

Foto: Skjermdump / NRK

– Ho har funne ut at i mitt førre liv så spelte eg i eit skramleband og ho har mast mange gongar på om eg kan spela gitar for ho. Eg har sagt nei heile vegen, men i dag sa eg at om du tar medalje så skal eg spela ein song for deg, seier Eklund og ler.

– Berre for ho, eller oss også?, spør NRKs reportar.

– Dei kan få høyra på dei som vil, det vert vel ein av Kim Larsen-song tenker eg, seier trenaren lattermildt.

Då medaljen var eit faktum fekk han spørsmål om det vart gitarspeling no.

– Eg står for det eg seier, så eg må vel det. Det blir «This is my Life» i morgon, seier han med eit glis.

– Det gler eg meg til. Eg tippar brasilianarane har ein gitar på lager som vi får låna, seier Rung med eit stort glis.

Sarah Louise Rung tok en ny bronse, og sin femte medalje i Rio.

Sjå Sarah Louise Rungs medaljeløp.

Måtte ha alvorsprat

Men i forsøket tidlegare i dagen såg det ikkje ut som om Rung var ein medaljekandidat. Ho hadde sjette beste tid, og var tre sekund bak den som var tredje best der.

– Eg hadde ein liten vaksenprat med ho før finalen. Ho må vera meir til stades på morgonen. Ho tar det gjerne litt roleg der fordi ho veit ho tar seg vidare, men ho er ein finalesvømmar og det er der medaljane deles ut, seier Eklund.

Med bronse på nattas distanse står ho no med fem medaljar. Det er like mange som ho hadde mål om å ta, og ein meir enn i London for fire år sidan. I morgon har ho ny medaljesjanse, på 100m fri.

Ho tok også bronse på distansen under VM i fjor.

Paralympics har vore ein einaste stor suksess for Rung, som før nattas finale hadde tatt fire medaljar.

Ho har no ein medaljesjanse att, i morgon kveld på 100 meter fri.

Siste nytt

  • Liverpool og Roma risikerer straff

    Det europeiske fotballforbundet åpner sak mot både Liverpool og Roma etter tribunebråket i semifinalen i mesterligaen. Liverpool-fansen fyrte opp bluss og kastet gjenstander, mens Roma-fans angrep Liverpool-supporteren Sean Cox utenfor Anfield.

  • Northugs manager alvorlig skadd

    Are Sørum Langås, manager til Petter Northug, har tilbrakt ti dager på sykehus etter en alvorlig fallulykke, melder VG. Avisen skriver at ulykken skjedde da han skulle gjøre arbeid på sin nye hytte. Langås ble utskrevet fra sykehuset søndag. Han pådro seg flere brudd i begge armer, i ansiktet og hodeskallen.

    Are Sørum Langås
    Foto: Vegard Wivestad Grøtt / NTB scanpix
  • Yates beholdt ledertrøya

    Tom Dumoulin knappet innpå Simon Yates i Giro d'Italia, men briten beholder den rosa ledertrøya. Etter dagens tempoetappe er Yates 56 sekunder foran Dumoulin og 3:11 foran Domenico Pozzovivo i sammendraget. Rohan Dennis vant tempoetappen.

    CYCLING-ITA-GIRO
    Foto: LUK BENIES / AFP

Sendeplan

Kl. Program Kanal