Desse sekkene vart for mykje for FIFA – NFF måtte punge ut

Ein medisinsk bag og ein treningssekk var det einaste som skulle til for å få det internasjonale fotballforbundet (FIFA) på nakken.

Pål Arne "Paco" Johansen og Hugo Vetlesen.

SPORTSLEG NEDTUR OG ØKONOMISK SMELL: Desse sekkane (høgre) vart til besvær for NFF og U20-laget, til venstre illustrert ved trenar Pål Arne Johansen og spelar Hugo Vetlesen.

Foto: NTB / SCANPIX

Det var idrettspolitikk.no som omtalte saka først. Det heile starta då den norske spelarbussen forlot hotellet sitt og satte kursen mot kampstadion for å spele kamp i U20-VM.

Laget har alltid med seg drikkeflasker, medisinsk bag og eit draktsett når dei reiser, i tillegg til anna relevant utstyr.

Eit par av spelarane fekk beskjed av støtteapparatet om å hjelpe til med å bere utstyret inn i garderoben, og det gjorde dei.

Det var då det gjekk gale.

I etterkant av kampen tikka det inn ein e-post frå FIFAs disiplinærkomité. Der sto det blant anna:

  • Brot på artikkel. 7 par. 2 and art. 11 par. 1 Media & reglar for marknadsføring FIFA U20-VM Polen 2019, art. 57 par. 2 and art. 64 par. 2 av utstyrsforskrifta, i tillegg til art. 5 par. 1 for forskrifter i samband med FIFA U-20 VM Polen 2019:
  • Ein representant frå det norske laget kom stadion med ein bag av merkevara «ScanSport».
  • Synligheten av bag med Nike-logo på storleik over 25 cm² strid med FIFA-forskriftene.

Nokre veker etterpå kom det ei bot i postkassa til fotballforbundet, og den var ikkje reint liten. I brevet er ordlyden om Noregs regelbrot også av svært krass karakter.

No fortel forbundet for første gang om hendinga med Nike-sekken og Scansport-sekken som skulle koste laget dyrt.

– Eg kan stadfeste dette. Norges Fotballforbund (NFF) fekk totalt 15 000 sveitserfranc (139.000 kroner) i bot for brot på reklameavgjerdene under VM, fortel konkurransedirektør Nils Fisketjønn i NFF.

Nils Fisketjønn i Norges Fotballforbund

NØYDD TIL Å BETALE: Brot på reklameavgjerdene skal ikkje skje, fortel Nils Fisketjønn i Norges Fotballforbund.

Foto: Terje Pedersen / NTB scanpix

Fekk kraftig kritikk

Ikkje berre vart det ein sportsleg nedtur i verdsmeisterskapen i Polen, men også ein økonomisk smell for landslaget.

– Fifa får tilbakemelding frå sponsorane sine kvar gong eit slikt brot skjer, og det kan vere derfor dei handhevar dette strengt. Det er ikkje småpengar dei får av desse sponsorane, forklarer NRKs fotballekspert, Morten Morisbak Skjønsberg.

I vedtaket frå disiplinærkomiteen blir det retta kraftig kritikk mot Noreg, og det blir trua med strengare sanksjonar i framtida, viss reklameavgjerdene blir brotne igjen:

  • Norges Fotballforbund blir pålagt å setje i verk alle nødvendige tiltak for å garantere at FIFA-regelverket blir overhalde i framtida. Skulle slike hendingar skje igjen i framtida, vil ikkje FIFAs disiplinærkomité ha noko anna val enn å pålegge strengare sanksjonar mot Norges Fotballforbund.

– Reglane rundt dette har vorte veldig strenge og laga brukte mykje tid på å sikre at brot ikkje skjedde. Likevel skjedde det, berre å beklage. Bagen vart båra inn frå buss ved eit mistak, forklarer Fisketjønn i fotballforbundet.

– Ulike produktleverandørar betaler godt for eksklusivitet, og vi pliktar då å sikre denne eksklusiviteten. Han kjem oss til gode til slutt.

Høgare bøter for feil sokkar enn nazi-banner

Tidlegare har FIFA og UEFA fått kraftig kritikk for botsystemet, som mange meinar er både for strengt og for krevjande.

Dette er nokre eksempler frå tidlegare:

– Dei kommersielle interessene rår i internasjonal fotball. Dei er veldig opptatt av å verne om sponsorane sine, for det er der Fifa hentar pengane sine. Det kan vere viktigare for dei, enn å til dømes ta kampen mot tribunebråk og rasisme. For der er det ikkje nokon direkte økonomisk konsekvens for Fifa, meiner NRK-

g5sYD3ipG3Y Morten Morisbak Skjønsberg

NRK-EKSPERT: Morten Morisbak Skjønsberg har lite til overs for det internasjonale fotballforbundet (FIFA) sit bøtesystem. Han meiner kommersielle interesser, triumfar det meste.

Foto: Jan Kåre Ness

ekspert Skjønsberg.

– På sikt vil det uansett få konsekvensar for Fifa. Det er dårleg reklame for fotballen, og eg forstår at dette ser veldig rart ut. Feila står ikkje i stil med konsekvensen. Eg forstår at ein stussar. Derfor bør ein heve bøtene for dei andre alvorlege brota, for det er trass alt meir alvorleg for fotballen, avsluttar han.

Siste nytt

  • Bøkko legg opp etter VM

    Skøyteløpar Håvard Bøkko har bestemt seg for å legge opp. Det fortalde han sjølv på ein pressekonferanse onsdag. Aftenposten omtalte saka fyrst. Han skal gå allround-VM i Vikingskipet til helga og det blir hans aller siste konkurranse.

    – Eg har tenkt på dette meisterskapet sidan OL, det har vore målet lenge. Eg hadde ynskt å kunne vere blant medaljekandidatane, men det er litt usannsynleg nå. Eg håpar å gjere tre gode løp og oppleve Vikingskipet for siste gong med skøyter på beina, seier ein tydeleg prega Bøkko.

    33-åringen frå Hol har ei lang merittliste bak seg. Han har eitt gull og ein bronse frå OL. Gullet kom på lagtempo i Pyeongchang, medan bronsemedaljen tok han i Vancouver på 1500 meter åtte år tidlegare.

    I 2011 i Inzell tok han sitt einaste gull i VM, også det på 1500 meter. Han har også åtte sølv frå VM i allround og enkeltdistansar. Bøkko gjorde comeback før OL-sesongen i 2018 etter eit kvileår utanfor skøytesporten. I år har han slite med å finne toppforma.

    Håvard Bøkko
    Foto: Terje Bendiksby / NTB Scanpix
  • City anker mesterligastraff

    Manchester City har anket UEFAs beslutning om å utestenge dem fra mesterligaen og europaligaen de neste to sesongene til Idrettens voldgiftsrett (CAS). City er ilagt to sesongers utestengelse som følge av brudd på fotballens økonomiske regelverk.

    David Silva og Bernardo Silva fortviler etter å ha bommet på en sjanse
    Foto: Anthony Devlin / AFP
  • NFF vil ta grep om fotballvald

    Noregs Fotballforbund (NFF) opnar for å senke lista for å melde valdsepisodar i fotballkampar og på trening. Generalsekretær Pål Bjerketvedt meiner dei ikkje har vore bevisste nok.

    – NFF skal som organisasjon politimelde saker om vald og trugslar der sakene er så alvorlege at dei i NFFs domsorgan vil bli behandla som straffesaker, seier Bjerketvedt.

    Kjøll, svendsen og Bjerketvedt
    Foto: Terje Pedersen / NTB

Sendeplan

Kl. Program Kanal