Normal

– Kan ikkje køyra fullt løp i verdscupen

Ekspertar meiner Ole Einar Bjørndalen (40) må nedprioritera verdscupen for å kunna prestera i VM.

Ole Einar Bjørndalen

Verken Ola Lunde eller Halvard Hanevold er overraska over at Ole Einar Bjørndalen (40) held fram i to år til.

Foto: Junge, Heiko / NTB scanpix

– Alternativet var å leggja opp, men det er klart VM på heimebane freistar, seier NRKs ekspertkommentator Ola Lunde, som meiner det er naturleg at Bjørndalen tek to nye år etter prestasjonen i Sotsji-OL.

Ola Lunde

– Det er ikkje noko problem fro Ole Einar å satsa i to år til. Er det nokon som klarar å motivera seg for å gjera jobben, så er det han, seier NRKs ekspertkommentator Ola Lunde.

Foto: Larsen, HÃ¥kon Mosvold / NTB scanpix

Tidlegare i dag vart det kjend at tidenes mestvinnande vinterolympiar har bestemt seg for å halda fram i to år til.

  • På sin eigen Facebook-profil forklarar Bjørndalen meir om kva som fekk han til å halda fram, og kvifor resultata ikkje har vore så gode som han skulle ynskje dei siste åra.

Kjem til å nedprioritera verdscupen

Lunde meiner Bjørndalen ikkje har sjanse når det gjeld verdscupen samanlagt, og at det fyrst og fremst er viktig å velja ut enkelte løp han vil prioritera.

– Viss Ole Einar skal prestera i VM i Kontiolahti (2015) og VM i Holmenkollen (2016), kan han ikkje køyra eit fullt løp i verdscupen, seier han og legg til:

– Det handlar om restitusjon og å få tid til å koma seg. Det er det som er problemet når ein kjem opp i ein viss alder.

OL-meister Halvard Hanevold er einig med Lunde i at Bjørndalen ikkje kjem til å fokusera maks på verdscupen, men at han vil byggja alt opp mot VM i Holmenkollen i 2016.

– Han kjem til å fokusera på å gjera ekstremt gode enkeltløp, og bruka to år på å vera best mogleg førebudd til å ta eit nytt VM-gull på heimebane.

Halvard Hanevold

NRKs skiskyttarekspert Halvard Hanevold er ikkje overraska over at Ole Einar Bjørndalen held fram.

Foto: Solum, Stian Lysberg / NTB scanpix

– Elskar å jobba knallhardt

Hanevold meiner utviklinga Bjørndalen har hatt med langrennsforma i år, er betryggande for å satsa i to nye år.

– Det synte han i Sotsji, at han kan koma litt som ein outsider, klinka til og ta gullet rett framfor nasen til dei me kanskje venta skulle ta det.

Den opphavlege planen til Bjørndalen var å setja punktum for ein 20 år lang karriere i verdstoppen etter verdscuprenna i Holmenkollen denne månaden. Hanevold er ikkje overraska over avgjersla om å halda fram.

– Ole Einar elskar å jobba knallhardt mot eit mål og leggja alt til rette for å klara det.

– Viss han fyrst bestemmer seg og motiverer seg for noko, er det maksimalt opplegg, legg Lunde til.

Siste nytt

  • Ex-United-spiller tatt for doping

    Tidligere Manchester United-spiller Giuseppe Rossi har testet positivt på et forbudt medikament, bekrefter antidopingbyrået Nado Italia.

    Prøven skal ha vist spor av en type øyemedisin som kan brukes for å fjerne spor av andre stoffer.

    Rossi er klubbløs, men spilte for Genova da prøven ble tatt i mai.

    Giuseppe Rossi
    Foto: Simone Arveda / AP
  • Norsk junior på 5.-plass i VM

    Den belgiske favoritten Remco Evenepoel var i en klasse for seg i juniorenes temporitt i sykkel-VM tirsdag. Han var 1,24 minutter foran australske Lucas Plapp. Norske Søren Wærenskjold skuffet noe med sin 5.-plass. Han var 1,50 minutter bak vinneren.

    Søren Wærenskjold
    Foto: Cornelius Poppe / NTB scanpix
  • Havnaa med brukket tommel

    Kai Robin Havnaa ble i går operert etter smerter i tommelen under boksetrening. Undersøkelser viste en brukket tommel hos 29-åringen. Opptreningsperioden vil ta flere måneder, og dermed går han glipp av det store stevnet på hjemmebane i Arendal.

    Kai Robin Havnaa
    Foto: Sander Heggheim / NRK

Sendeplan

Kl. Program Kanal
Sport i dag
Sport i dag
Team Ingebrigtsen