NRK Meny
Normal

Vipers får ettergitt gjeld på ein halv million kroner

Vipers Kristiansand slepp å betale ei gjeld på ein halv million kroner dei skuldar Kristiansand kommune. Det betyr at klubben truleg slepp poengtrekk neste sesong.

Aquarama

Handballklubben Vipers Kristiansand har fått ettergitt ein halv million kroner av til saman ein million dei skuldar Kristiansand kommune. Samstundes må dei betale meir for å leige Aquarama.

Foto: Sander Heggheim/NRK

Politikarane i kommunalutvalet behandla saka tysdag.

– Det handlar om at klubben ikkje skal bli degradert og få eventuelt poengtap. Det er hovudårsaka til at vi er med på dette, seier varaordførar i Kristiansand Jørgen Kristiansen til NRK.

Politikarane bestemte samstundes at Vipers må betale meir for å leige Aquarama der dei spelar heimekampane sine.

I 2010 fekk handballklubben eit lån på ein million kroner frå kommunen. Pengane skulle hjelpe klubben ut av økonomisk knipe.

Den totale gjelda er i dag på 950 000 kroner.