NRK Meny
Normal

Dømd for vald mot politimann

Ei 22 år gammal kvinne er dømd til 26 dagars fengsel etter å ha slått og sparka ein politimann.

Episoden fann stad i Grimstad i april i år. Kvinna var ute på byen, men vart nekta å sleppe inn på ein utestad fordi ho var for full.

Politiet vart tilkalla og ba tjentestemennene om å komme seg vekk. Dette gjorde at kvinna vart arrestert. Det var under pågripinga at ho slo seg vrang.

22-åringen sparka ein politimann fleire gonger. På veg inn i politibilen spytta ho også på den same mannen i ansiktet. Kvinna fortalde i retten at ho fekk panikk fordi ho aldri tidlegare hadde vore i ein slik situasjon.

Politiet valde å køyre kvinna til legevakta for sjekk, før ho skulle i arresten. På legevakta sparka 22-åringen mot den same politimannen på nytt - utan å treffe.

Kvinna er tidlegare straffa, noko Aust-Agder tingrett la vekt på. 22-åringen må også betale 1500 kroner i sakskostnader.