Hopp til innhold

Byåsen-keeperen hylla etter Vipers-bråket: – Håper vi kan bli ferdige no

Byåsen-keeper Annick Lipman vedgår at ho har vore gjennom tøffe veker etter bråket rundt marknadssjefen i Vipers Kristiansand. Men no vil ho sjå framover.

Annick Lipman

Byåsen-keeper Annick Lipman vil sjå framover etter sjikanesaka. Marknadssjefen kalla Lipman «ho feite» på Facebook for nesten ein månad sidan.

Foto: Tor Erik Schrøder / NTB

– Når eg går ut av hallen i kveld er eg ferdig med denne saka, og det håpar eg andre også kan bli, seier Lipman etter eliteseriekampen mot Vipers i Kristiansand søndag kveld.

Byåsen-keeperen fekk høgst applaus av samtlege spelarar då ho vart presentert før kampstart.

Den tidlegare Vipers-keeperen sette pris på mottakinga på si gamle heimebane.

Sander Heggheim/NRK

– Det var veldig gøy og veldig fint å få den. Det er alltid gøy å komme hit, seier ho.

– Vel fortent. Det er på sin plass, seier Vipers-trenar Ole Gustav Gjekstad om mottakinga.

Det har storma rundt Vipers Kristiansand i nesten ein månad, etter marknadssjef Christer Paulsen sine kommentarar på Facebook.

Etter semifinalen i cupen mot Byåsen i februar, skreiv Paulsen sjikanerande meldingar på Facebook.

Utdrag fra facebooktråden mellom Christer Paulsen og Aleksander Kristiansen i Vipers etter kampen mot Byåsen.

Paulsen kalla Byåsen-keeperen «ho feite» i dialog med Aleksander Kristiansen, som også er tilsett i Vipers.

Marknadssjefen hevda først at han hadde vorte hacka, og nekta for å ha skrive kommentarane.

Christer Paulsen mener facebookkontoen hans er hacket. Han sier det ikke er han som har skrevet kommentarene.

Nokre dagar seinare la han korta på bordet. Han hadde ikkje snakka sant då han sa han hadde vorte hacka.

– Eg skreiv noko som eg ikkje står inne for, og som eg har unnskyldt direkte til den det gjeld. Då eg vart konfrontert med kva eg hadde skrive, var det så flaut at eg valde den feige vegen bort frå situasjonen. Eg fekk panikk, skreiv han i ei pressemelding.

– Dei kunne ha gjort noko meir

Lipman vedgår at det har gått inn på henne.

– Dei fem første dagane etterpå kjendest som fem veker. Men no føler eg meg ferdig med dette. Eg forstod sjølvsagt at det ville bli trykk frå media sidan vi skulle spele her i Kristiansand, men no er eg ferdig med saka og livet går vidare, seier ho.

Også Vipers-trenaren håpar Lipman no kan få fred.

– Eg håpar det er over no. Så veit vi at det truleg ikkje er det. Men håpar for Annick Lipman sin del at ho slepp fleire oppslag. Ho har ikkje gjort noko gale i denne saka, seier Gjekstad.

Les også Innrømmer å ha løyet om melding: – Unnskyld

Christer Paulsen

Klubben har fått krass kritikk frå ekspertar og sponsorar for si behandling av saka.

Paulsen fekk skriftleg åtvaring etter sjikane og løgn.

– Eg føler at dei kunne gjort noko meir. Eg seier ikkje at han skulle ha mist jobben, men det kunne kanskje ha vore litt strengare. Men det er ikkje opp til meg, seier ho.

I førre veke leverte Klubben ein rapport til generalsponsor DNB, etter at sponsoren sette fram fleire krav.

Verken klubben eller DNB har så langt ville dele innhaldet i rapporten.

Fredag vart det og kjent at marknadssjefen er sjukmeld i fire veker.

Vipers feira gull med storsiger

I søndagens eliteseriekamp heldt trønderane følgje lenge med Vipers.

Sørlendingane leia «berre» 20-18 til pause.

Men i andre omgang viste tittelforsvararen i meisterligaen kvifor dei har vore så suverene i fleire år.

Tavla viste heile 44-31 til sørlendingane då sluttsignalet gjekk.

Klubben kunne dermed feire nytt seriegull saman med dei kring 1400-tilskodarane.

– Det er fullt fortent og veldig gøy, seier Vipers-keeper Katrine Lunde.

Seriegullet vart sikra då Vipers slo Storhamar tidlegare i mars.

Men denne marskvelden vart det synlege beviset på gullet delt ut i form av gullmedaljar og pokalar.

– Det er kvar kamp som driv meg, ikkje sjølve gullet. Det er å vinne kvar kamp, seier Lunde.

1YfvZynYN3Y

Katrine Lunde og Markéta Jerábková med det synlege bevist. Vipers er seriemeister igjen.

Foto: Tor Erik Schrøder / NTB

Lunde: – Skal stå opp for verdiane

Veteranen vedgår at sjikanesaka har påverka spelargruppa.

– Det har påverka oss. Men vi skal yte det vi kan på bana og stå opp for verdiane jentene har, seier ho før ho spring bort til lagvenninnene for fotografering etter medaljeseremonien.

– Vi har naturleg nok brukt litt tid på det. Men eg trur ikkje det har prega så mykje av det vi skal gjere på spelarmøte, treningar og kamp. Men det er jo eit samtaleemne uansett kven ein møter. Sånn sett pregar det oss. Men vi er ganske flinke til å legge vekk ting, seier Vipers-trenar Ole Gustav Gjekstad.

Sist Vipers avga poeng i eliteserien var i september 2021. Då vart det uavgjort borte mot Fana.

Kampen mot Vipers var Annick Lipman sin siste offisielle seriekamp på bortebane. Nederlendaren legg nemleg opp etter kampen.

– Det var veldig fint og veldig gøy med så mykje folk. Eg starta utanlandskarrieren her på heimebane og avslutta den her på bortebane. Så det var veldig fint, smiler Lipman, som kom på scoringslista i kampen mot Vipers.

– Den tek eg med meg, ler ho.

hotefrP-IqI

Annick Lipman i aksjon for Byåsen mot Vipers Kristiansand søndag.

Foto: Tor Erik Schrøder / NTB

Les også Vipers vann det sjette seriegullet sitt på rad

k6aZK4aHK-4

Siste nytt fra NRK Sørlandet

null
Spiller nå
Hvem er NRKs nye ekspert? 00:45
Neste

Økonomistatus

Strømpris i dag

Inkludert avgifter

Billigst kl. 03 1,36 kr
Dyrest kl. 08 1,96 kr

Strømkostnader nå

  • Steke pizza 0,6 kr 25 min.
  • Dusje 6,4 kr 10 min. / 100 liter vann
  • Vaske klær 0,8 kr En vask
  • Varmeovn 1,6 kr 1000w, en time

Styringsrenta i prosent

Høyere styringsrente betyr økte utgifter dersom en har boliglån

Økte matpriser

Hvor mye matprisene har økt det siste året, sammenlighet med lønnsutvikling

  • Matvarer Feb 2023 – feb 2024
    + 6,3 %
  • Lønnsutvikling Anslag for 2024
    + 5 %