– Situasjonen er veldig uoversiktleg

– Det er særs dramatisk.

Det seier sjømannsprest Bjørn Nome frå Birkenes som er i byen Waterloo rundt 15 km sør for Brussel.

– Dette er noko vi følgjer tett med på, og opplever som ein veldig alvorleg situasjon akkurat no, seier Nome.

Tysdag morgon har det vore fleire eksplosjonar i Belgias hovudstad Brussel.

To eksplosjonar har ramma flyplassen Zavantem. Det er meldt om fleire døde, og det skal dreie seg om eit sjølvmordsangrep.

Samtidig melder den belgiske kringkastaren VTM at det har vore eksplosjonar på minst ein metrostasjon i sentrum av Brussel, rett ved EU-bygningane. Ti skal vere drepne.

Opnar dørene for nordmenn

Sjømannskyrkja i Belgia held åpent hus i prestegården i Waterloo i forbindelse med terrorangrepene i Brussel.

Det tilbys skyss for dei som treng det, opplyser Sjømannskirken på Facebook.

Nome fortel sjømannskyrkja er vane med å vere i beredskap.

– Vi er her for nordmenn som bur eller oppheld seg i utlandet. Vi har diverre vore vant til dette i Brussel og i Belgia over ei lengre tid. Det opplevast veldig dramatisk.

• Les også: Nordmann på Brussel-metroen: Jeg kjente smellet i kroppen

I dialog med ambassaden

No samarbeider dei med ambassaden for å hjelpe nordmenn som er i Brussel.

– Vi er i dialog med ambassaden, og vil opne dørene og vere tilgjengeleg for nordmenn som bur her eller oppheld seg i Brussel.

Då NRK var i kontakt med Nome rundt klokka 10 tysdag hadde ingen nordmenn kontakta sjømannskyrkja etter angrepa.

– Det er ein veldig uoversiktleg situasjon, men ingen har vore i kontakt med oss no i løpet av dei første timane.

NRK oppdaterer saka.

• Les også: Vurderer sikkerhetstiltak på norske flyplasser