Tilsynet stadfestar no at dei har utsett sin eigen frist til 22. juli for å seie ja eller nei til det mykje omtala oppkjøpet av Sogn og Fjordane fylkeskommune sine aksjar i Fjord1.
Det skjer fordi Torghatten har sendt brev, der dei skisserer fleire løysingar for å hindre at dei får for mykje makt i transportnæringa i Norge.
Blir størst i Norge
Torghatten ASA, med hovudkontor i Brønnøysund, er eit av dei største transportkonserna i landet med ein årleg omsetnad på 8,5 milliardar kroner.
Dei har om lag 6400 tilsette innan buss, ferje, hurtigbåt og flytrafikk i heile Norge, og eit oppkjøp av Fjord1 vil gjere Torghatten til det desidert største transportselskapet i landet.
- Les også:
Vil selge Trondheimsselskap
– Bakgrunnen for å utsetje fristen er at vi har fått forslag til avbøtande tiltak frå partane. Då er det slik at lova seier at det blir ei fristutsetjing på 15 dagar for Konkurransetilsynet si sakshandsaming. Dermed får vi tid til å vurdere desse avbøtande tiltaka som har kome inn, seier seniorkonsulent Marita Skjæveland i Konkurransetilsynet.
Eit av dei mest sentrale tiltaka frå Torghatten si side blir då å selge dotterselskapet FosenNamsos Sjø. Dotterselskapet, som er basert i Trondheim, hadde ei omsetjing i fjor på 533 millionar kroner og kring tre millionar passasjerar.
Skeptisk til kjøpsavtalen
Konsernsjef i Torghatten ASA, Brynjar Forbergskog, har førebels ikkje vore tilgjengeleg for kommentar til den siste utviklinga i saka.
