Bakke møter Florø i første kamp som trenar

– Det ser veldig bra ut. Vi er veldig godt nøgde med dette, seier arrangentssjef Geir Inge Heggestad.

Han har saman med sportssjef Håvard Flo fått på plass dei første treningskampane fram mot seriestarten i førstedivisjon neste år.

Der blir det kampar mot lokale lag og ei stigning i programmet:

• Fredag 23. januar: Sogndal - Florø, Sognahallen
• Søndag 25. januar: Sogndal - Fyllingsdalen, Sognahallen
• Fredag 30. januar: Sogndal - Førde, Sognahallen
• Søndag 1. februar: Sogndal - Nest-Sotra, Sognahallen
• Laurdag 7. februar: Sogndal - Hødd, Sognahallen
• Fredag 13. februar: Sogndal - Åsane, Sognahallen

• LES OGSÅ: Slik kan Sogndal spele med ein skikkeleg fylkesprofil

Møter fleire lag frå øvste hylle før seriestart

Eirik Bakke er godt i gang med planlegginga av neste år, og mykje dreier seg no om at Sogndal skal finne tilbake til sin lokale identitet. Derfor har det vore viktig å spele treningskampar mot andredivisjonslaga i fylket, samstundes som ein vil spele ein del kampar mot divisjonskollegaer.

– Då har vi med oss totalen i forhold til det som har vore viktig for Eirik, med tanke på fylkesprofilen og korleis vi står mot dei - i tillegg til å møte lag som vi skal møte i serien. Alt dette skjer før vi reiser til La Manga, seier Heggestad.

På treningsleiren får Sogndal motstand frå eliteserien. Det blir dessutan jobba med ein tredje motstandar frå øvste nivå.

• LES OGSÅ: Lovar beinhard treningskvardag og satsing på lokale talent
• LES OGSÅ: Bakke kan ikkje stå åleine som hovudtrenar

(Artikkelen held fram under videoen)

– Skal ikkje så mykje på tur i vinter

Klubben jobbar no med å få på plass tre kampar i mars. Desse er ikkje avklara, og truleg må Sogndal vente til terminlista er klar før siste brikke fell på plass.

– Vi håpar at to av tre kampar i mars blir mot eliteseriemotstand. Kanskje blir generalprøven mot ein divisjonskollega, seier Heggestad.

– Vi har lagt opp til ei fin stigning fram mot seriestart. Slik det ser ut no, blir dei fleste kampane i Sognahallen - iallfall før vi reiser til La Manga. Så vi skal ikkje så mykje på tur i vinter, seier arrangementssjefen.

• LES OGSÅ: Olsson etter eliteserie-exiten: «Det känns rent förjävligt»
• LES OGSÅ: Her står Ulrik og fortvilar over at laget har skuffa mange hundre sogningar