Viimmat sámegilli maid

Sápmelaččat Skániin Mátta-Romssas illudedje ikte go vuosttaš sámegiel geaidnogalbbat viimmat ihte geaidnogurrii.

Magne Eindejord foren et nytt skilt

Magne Einejord ođđa geaidnogalbba čájeheamin.

Foto: Olav Andersen / Privat

– Guovllu sápmelaččat leat hirbmat ilus, lohká Magne Einejord, guhte lea mielde Várdobáikki sámegiel báikenammalávdegottis.

Guhkká bargan

Eambbogo 20 jagi áigi bargagohte sápmelaččat Skániid guovllus dainna, ahte oažžut guovllu sámegiel báikenamaid oidnosii geaidnogalbbain. Vuosargga de ceggii Stáhta geaidnodoaimmahat daid vuosttaš galbbaid, earret eará galbba mas Nipen samegielnamma Hoanttas ja Trøssemark sámegielnamma Vuopmegeahčči oidnojit.

Olav Andersen og Ann-Mari Thomassen

Olav Andersen ja Ann-Mari Thomassen illudeaba go sámegiella maid lea geaidnogalbbain Skániin.

Foto: Olav Andersen / Privat

Dás lea dušše bás uhca áššás, mii dahká ahte illu ii šatta áibbas ollislaš. Buot sámegielnamat oainnat eai leat áibbas riekta čállon. Vuopmegeahčči lea oainnat galbbain čállon "Voupmegeahci". Dát ii oro Einejord mielas dahkamin nu olu.

– Dat ii leat varra dat stuorámuš ášši justta dál, dál fuomášuhttit ahte sámegiella maid lea guovllus, lohká Magne Einejord.