Vásiha fasttes cielaheami

Norgga Boanddaid- ja smávvadálolaš searvvi jođiheaddji, Merete Furuberg, lea fasttit givssiduvvon Facebookas. Givssideapmi lea čuožžilan gumpe- ja boraspire-digaštallamiid oktavuođas. Searvi háliida ahte eanet gumppet báhččojit. Furubergas leamaš borasdávda, ja okta givssideddjiin, gean mielas galget ollu gumppet luonddus, lea čállán ahte doaivu Furuberg jápmá dávdii.