Hopp til innhold

Váilevaš válgadoalut inuihtaide Dánmárkkus

Dánmárkkus ásset badjel 700 olbmo geat ledje sáhttit jienastit Ruonáeatnama gielddaválggain. Dušše 31:s dain, geat eai ása Ruonáeatnamis, jienastedje válggain.

Grønlendere samlet til fest

Ruonáeatnanlaččat geat ásset Dánmárkkus eai báljo jienastan Ruonáeatnama gielddaválggain dán vahkus. (Vuorkágovva )

Foto: Slim Allagui/AFP

Kalaallit Nunaat dahje Ruonáeatnama gielddaválggaid olis eai leat lágiduvvon makkárge debáhtat dahje doalut dan golmma ruonáeatnama viesus mat leat Dánmárkku gávpogiin Aarhusas, Københámmanis ja Odenses, dieđiha knr.gl. (dánska gillii)

Aarhusa viesu direktevra, Jørn Holbech, mielas lea šállošahtti go nie geavai.

– Vahát lea dieđusge go nie moattis jienastedje, muhto sis dađibahábut ledje olu eará doaimmat maid gozihit, ja nu eai gártan válgadigaštallamiid birra smiehttat, dovddaha Holbech knr.gl.

Ruonáeatnama gielddaválggat ledje maŋŋebárgga, ja badjelaš 25 000 olbmo jienastedje válggain.

Siumut bellodaga dorjo 41.5 proseantta jienasteaddjin, ja dá lea stuorámus bellodat.

Korte nyheter

  • Fertejedje sirdit Bæskadesrennet moala

    Les på norsk.

    Bæskadesrennet gilvočuoigit galge rievtti mielde čuoigat 28 kilomehtera Suolovuomis gitta Ruonávuovdái.

    Heajos muohtadilálašvuođaid geažil leat šaddan moala sirdit moadde kilomehtera lagabui. Čuoigamat lea dál 25 kilomehtera guhkku.

    17:s leat dieđihan gilvoluohkái. Oassálastit čuigegohte dii. 11 ja vurdojuvvojit mollii ollet dii. 12:s.

  • Listhaug ođđasit válljejuvvon Ovddádusbellodaga jođiheaddjin

    Les på norsk.

    Ovddádusbellodaga riikkačoahkkimis lea Sylvi Listhaug fas válljejuvvon Ovddádusbellodaga bellodatjođiheaddjin

    Listhaug lea bellodatjođiheaddji leamaš miessemánu 2021:i rájes.

    Liv Gustavsen, Kristoffer Sivertsen ja Marte Joan Monstad ges válljejuvvojedje fásta lahttun Ovddádusbellodaga guovddášstivrii.

    Gustavsen lea ođđasit válljejuvvon, muhto Monstad lea ođđa lahttu. Rørvik ges lea ovdal leamaš 4. várrelahttu.

    Sylvi Listhaug
    Foto: William Jobling / NRK
  • Listhaug gjenvalgt som partileder for Frp

    Sylvi Listhaug ble gjenvalgt som Frps partileder på landsmøtet søndag formiddag.

    Det var ingen motkandidater, og Listhaug ble valgt ved akklamasjon.

    Listhaug har vært partiets leder siden mai 2021.

    Sylvi Listhaug
    Foto: William Jobling / NRK