Hopp til innhold

Pirttijärvi almmustahttinkonsearta

Dán vahkkoloahpa sáhtát Oslos gullat mii lea vuordagis Ulla Pirttijärvi ođđa skearrus mii lea boađi boađi. Sotnabeaivve lea su ođđa siŋŋela almmustahttinkonsearta norgga oaivegávpogis.

Ulla Pirttijärvi
Foto: Preassagovva

Ulla Pirttijärvi ođđa skearru almmuhuvvo dálá plánaid mielde ođđajagis. Vai vuordináigi oanošii, de doallá son almmustahttinkonseartta Oslos dán sotnabeaivve.

Dovddus ártista

Ulla Pirttijärvi lea okta dovddumus ártisttain Sámis. Sus lea áibbas sierranas stiila, mas seaguha árbevirolaš musihkalaš osiid luđiidisguin.

Pirttijärvi lea bargan ovttas stuorra sámi ártisttaiguin nu mo Mari Boine. Ja son lea jo moanaid jagiid bargan ovttas Frode Fjellheimain. Fjellheim leage buvttadan Pirttijärvi guokte maŋimuš skearru. Dát ilbme jagiin 1998 ja 2002.

Áŋŋelnieida

Ulla Pirttijärvi lea bajásšaddan Áŋŋelis. Son lei álggus mielde Áŋŋel Nuorain ja dasto Áŋŋel Nieiddain.

Maŋŋágo guđii Áŋŋel Nieiddaid fárrii son Ohcejohkii gos son dál ássá. Ulla Pirttijärvi lea maid doaibman Suoma Sámi leana leanadáiddárin.

Dáppe sáhtát viežžat lávlaga nuvttá

Gula jearahallama

 

Publisert

Mer fra NRK Sápmi

Korte nyheter

  • Ođđasat - Davvisámegillii

    Oktasaš e-girjerádju lea otne rahppon Suomas

    Suoma girjerádjosiid oktasaš e-girjerádju lea rahpasan otne.

    Ii oktage sámegieldda girjerádju leat das vel mielde.

    E-girjerádju bálvalus čohkke buot almmolaš girjerájuid digitálalaš materiála ovtta sadjái. Bálvalusa sáhttet geavahit dušše dat olbmot, geaid ruovttugielda lea searvan jo dasa.

    Oassi gielddain searvá mielde bálvalussii easkka boahtte jagi, dieđiha Yle Sápmi.

    E-bok
    Foto: Lars Tore Endresen / NRK
  • Ođđasat - Davvisámegillii

    Luondu gos ii leat sisabahkken Norggas, lea gáržon

    Norgga birasdirektoráhta ođđa logut čájehit, ahte luondu gos ii leat sisabahkken lea gáržon viđa jagis birrasiid 830 njealjehaskilomehtera.

    Dákkár guovlluin oaivvilduvvo guovlu, mii lea badjel kilomehtera duohken geainnuin, ruovddemađiin ja elfápmohuksemiin.

    Sisabahkkemiin lagabui guhttalot proseantta leat energiijahuksemiid geažil.

    Dáid fylkkain Norggas leat leamaš eanemus dákkár huksemat luonddus : Vestlánddas, Trøndelágas, Nordlánddas, Romssas ja Finnmárkkus.

    Rago nasjonalpark i Sørfold
    Foto: Helge Lyngmoe / NRK
  • Ođđasat - Davvisámegillii

    550 njála davviriikkain

    2000 logu álggus eai lean davviriikkain go birrasiid 50 njála. Dál dat leat vehá badjel 550 njála.

    Erenoamáš davviriikalaš suodjalanbargu njálaid dáfus dat lea lihkostuvvan bures, muitalit dutkit ja sii geat barget fuođđuid hálddašemiin Norggas, Suomas ja Ruoŧas.

    Várnjárggas Nuorta Finnmárkkus ledje njálat masá oalát jávkan 2017:s. Maŋit jagi luite dutkit sullii 50 njála dohko.

    Sii biebmagohte njálaid ja báhče riebaniid.

    Diibmá čájehedje njálaid lohkamat ahte Várnjárggas ledje badjelaš 90 čivgga.

    – Logut duođaštit ahte dáinna bargguin leat bures lihkostuvvan. Jos ná eat lean bargat earret eará Várnjárggas, de lei njálla oalát dáidit jávkaduvvot doppe, lohká Christer Michaelsen.

    Son lea seniorráđđeaddi Stáhta luonddubearráigeahčus.

    Dutkit ja luonddubearráigeahčus ávžžuhit olbmuid diktit njálaid leat ráfis. Sii eai eisege berre biebmat njálaid.

    – Njálla lea sáhkkes ealli, ja sáhttá johtilit geavvat bártái, jos bahkkegoahtá olbmuid lusa, ja dohko gos lea eanet johtolat, rávve Michaelsen.

    fjellrev
    Foto: Craig Jackson / NINA

Langlesing

Gahčosat

  • Telefon Kárášjohka:  78 46 92 00
  • E-post:  sapmi@nrk.no
  • E-post nyhetsredaksjon:  saminyhetsavdeling@nrk.no
  • Redaktør NRK Sápmi:  Johan Ailo Kalstad
Norsk Presseforbund, logo.

Vi arbeider etter
Vær Varsom-plakatens regler
for god presseskikk.

Den som mener seg rammet av urettmessig publisering, oppfordres til å ta kontakt med redaksjonen. Pressens Faglige Utvalg (PFU) er et klageorgan oppnevnt av Norsk Presseforbund som behandler klager mot mediene i presseetiske spørsmål.

Nyhetstips 03030

Kontakt

Hjelp

Tjenester

Produksjon

Salg

Til toppen