Hopp til innhold

Korte nyheter

  • Norgga girku áigu seanadišgoahtit

    Mannan vahkus geigejuvvui Duohtavuođa- ja soabahankommišuvnna raportta Stuorradiggái. Sámi girkoráđi jođiheaddji, Sara Ellen Anne Eira, muitala ahte girku áigu dál seanadišgoahtit.

    – Mii leat álo diehtán ahte girku lea leamaš oassin dan dáruiduhttinpolitihkas mii lea leamaš Norggas. Ja mii leat dieđusge ráhkkanan ahte dát raportta galggai geigejuvvot, earret eará de mii leat ráhkadan dakkár digitálakursa buot Norgga girku bargiide mas dáruiduhttin lea fáddá.

    Buot Norgga girku bargit galget oažžut vejolašvuođa loktet iežaset gelbbolašvuođa dáruiduhttima birra dan digitála oahppanreaiddu bokte.

    – Mun ja mii girkobealis jáhkkit ahte go olbmuin lea gelbbolašvuohta ja máhttu dan birra, de lea maid mihá álkit bargagoahtit seanadeami guvlui, dadjá Eira.

    Sámi girkoráđi jođiheaddji muitala maid ahte searvegottit galget dustet daid olbmuid mat dál leat ožžon iežaset muitalusaid ja vásáhusaid dan rapportii mielde.

    – Eat mii dieđe mo guhtege olmmoš vásiha dan ahte dál lea almmolašvuođas sin vásáhusa dan dáruiduhttinpolitihkas. Sis fertet mii maid váldit vára, dadjá son.

    Sámi girkoráđi jođiheaddji Sara Ellen Anne Eira.
    Foto: Kjell Are Guttorm / NRK
  • Foreslår å legge ned barnehage i Tromsø

    Tromsø kommune foreslår å samle det samiske barnehagetilbudet i byen. Det skriver iTromsø tirsdag.

    Administrasjonen ønsker å legge ned Guovssahas barnehage på Prestvannet og flytte all aktivitet til Mortensnes og Sjømannsbyen barnehage.

    Bakgrunnen for dette er den samiske lærerkrisen og at det har vært en utfordring å få tak i nok personale til å drifte to samiske tilbud.

    Foreldrenettverket i barnehagestyret er kritiske til å legge ned Guovssahas barnehage, og peker på at barnehagens beliggenhet er viktig. Barnehagen er lokalisert nært kommunens samiske skoletilbud, Prestvannet skole.

    Nordlys har også omtalt saken.

    Loga sámegillii.

    Guovssahas mánáidgárdi - Guovssahas barnehage
    Foto: Dan Robert Larsen / NRK
  • Keiino-Fred garrasit vuostálastá goddináitaga sápmelaččaid vuostá

    Go muhtin čálii Facebookii goddináitaga: «Báhččet sámiid, ja dasto bohccuid», de suhtai Fred Buljo.

    Son lea okta dain ollugiin gii lea reageren garrasit dán kommentáras bohccuid birra mat galget leat guhton eatnamiin Ivgus. Ášši lea dál váidon politiijai.

    Fred Buljo, gii lea Guovdageainnus eret ja oassin Keiino-joavkkus, muitala ahte dákkár cealkámušat leat mielde dagaheamen sihke balu ja vaši sámi álbmoga vuostá.

    – Ii leat dakkár servodat mas mun háliidivččen eallit dahje mas mu mánát galget stuorrut, dadjá Buljo.

    Son sávvá ahte olmmoš gii čálii áitaga ádde duođalašvuođa ja bivdá ándagassii.

    Berit Kristine Utsi lea Ittunjárgga orohaga ovdaolmmoš ja sis leat geasseguohtumat Ivgus. Son muitala ahte cielaheapmi neahtas lea čađaáigásaš váttisvuohtan orohahkii.

    Boanddat ja boazoeaiggádat riidalit, go bohccot sáhttet johtit boanddaid eatnamiidda ja guohtumiidda.

    Romssa politiijat duođaštit ahte sii leat ožžon váidaga kommentáras ja leat vuolggahan ášši.

    NRK lea váldán oktavuođa suinna gii lea čállán kommentára Facebook:i. Son muitala ahte lea ožžon máŋga reakšuvnna cealkámuššii, muhto ii hálit kommenteret ášši.

    Sámediggeráđđi Runar Myrnes Balto (NSR) muitala ahte Sámediggi bargá dál ovttas Politiijadirektoráhtain oažžundihtii bagadusa das mo sáhttá váidit cielaheami, ja doaivu ahte dat gárvána geasi mielde.