Hopp til innhold

Stubb bovde Sámedikki mielde stáhtagalledemiide

Suoma presideanta Alexander Stubb deaivvadii ikte Sámedikki ságádoallin, Pirita Näkkäläjärvi.

Anáris soai deaivvadeigga ja áigeguovdilis sámeáššit ledje fáddán čoahkkimis.

– Geahčadeimmet ovddusgovlui ja smiehtaimet ahte mo mii sáhttit nuppe dáfus suodjalit visot dan mii mis lea dáppe davvin, muhto maiddái ovddidit ja vuogáiduvvat boahtteáigái, lohká Näkkäläjärvi Yle Sápmái.

Stubb maid lea bovden Sámedikki mielde olgoriikii stáhtagalledemiide.

– Mii gal dajaimet ahte dat livččii hui positiiva vuohki buktit olles máilmmis ovdan sápmelaččaid ja eamiálbmogiid. Sávvamis mii beassat ovdánit dákkár ovttasbargguin, lohká Näkkäläjärvi.

Stubb står foran en mørk blå gardin, ikledd blå dress og blått slips, han smiler stort. Han har på briller med sort innfatning og er en mann i 40/50-årene.
Foto: Emmi Korhonen / AP

Korte nyheter

  • DNB áigu fállat Apple Pay dán jagi

    Les på norsk.

    DNB áigu 2024:s fállat Apple Pay norgga kundariidda, čállet sii preassadieđáhusas.

    Fitnodaga dieđuid vuođul guoská dát buot fitnodaga kundariidda.

    DNB ii leat ovdal háliidan fállat kundariidda dán čovdosa, go Apple lea biehttalan eará mobiila burssaid beassamis NFC-chipii iežaset ovttadagain.

    Logoen til DNB.
    Foto: Terje Pedersen / NTB
  • Kárášjogas eai soaitte hukset ođđa dearvvašvuođaguovddáža

    Les på norsk.

    Kárášjoga politihkkárat soitet bissehit ođđa dearvvašvuođaguovddáža huksema.

    Dan ballá sátnejođiheaddji Svein Atle Somby.

    Son muitala Ságat-aviisii ahte lea fuolastuvvan go golut skuvlla ja dearvvašvuođaguovddáža huksemii sakka lassánit.

    Golut leat lassánan 300 miljovnna kruvnnuin mannan borgemánu rájes.

    – Mii fertet gulahallat gielddastivrrain ja mearridit maid mii galgat dahkat. Soaitá leat nu ahte mii fertet vuos hukset skuvlla, dadjá Somby, ja lasihastá vel:

    – Jus ná geavvá, de mun lean áibbas sihkar ahte mii divodit dan boares dearvvašvuođaguovddáža.

    Kárášjoga gielda - Karasjok kommune
    Foto: Dan Robert Larsen / NRK
  • Gaskaijarockas 40-jagi ávvudeapmi

    Odne álgá Gaskaijarocka Leavnnjas, Lavttenjárggas, Porsáŋggu gielddas. Dát lea okta dain stuorámus musihkkafestiválain Davvi-Norggas.

    Dán jagi ávvudit 40-jagi doaimma, ja álggahanjahki lei 1984.

    -Mii leat rámis go ná guhká leat ceavzán. Dát lea juoga mii dáidá leat erenoamáš Norggas. Festiválat bohtet ja mannet, muhto Gaskaijarocka fal seailu, dadjá dán jagi festiválahoavda Tarjei Leinan Mathiesen.

    Dát musihkkafestivála bistá guokte beaivvi, ja dán jagi beasat nuvttá orrut gohttensajis. Stuorra namat dán jagi leat earret eará CC Cowboys ja Ramón, ja otn'eahket čuojaha Rolffa stuorra lávddis.

    Publikum under Matomas konsert.

    40 år med Midnattsrocken: – Føler på en stor ære

    Midnattsrocken har trosset sludd, sviktende publikumstall, konkurser og korona. I år fyller festivalen likevel 40 år. En unik festival, sier festivalsjefen.