Sierra klinihkkan

Sámi Dearvvašvuođa siida Kárášjogas šaddá ihttá rájes sierra klinihkkan. Nu lea Finnmárkku Dearvvašvuođa hálddahusdirektevra Eva Håheim Pedersen árvalan ihttáš stivračoahkkimii. Das rájes rievdaduvvo maid dan namma, nu ahte Sámi Dearvvašvuođa siida šaddá Sámi Klinihkkan. Klinihkkii galgá maid nammaduvvot sierra klinihkkahoavda dan seamma stivračoahkkimis, dieđiha Finnmárkku Buohcciviesu gulahallanhoavda Eirik Palm.