Sámi bivttasmearkka Gobmi čájehuvvo Oslo Runway:s
Sámi bivttasmearka «Gobmi» lea válljejuvvon Oslo Runway:i, mii lea dehálaš bivttas ja hábmen showcase-arena Norggas.
«Gobmi» lea ožžon fuomášumi daningo deattuhit sámi kultuvrra ja vuoruhit bistevašvuohta iežaset biktasiiguin. Njukčamánus oaččuiga rámiduvvon Doga-mearkka, ja borgemánus beassaba Oslo Runway:i.
Oappaguovttá Live Moen Johannessen ja Hanna Moen Reinsnes, Álttás eret, dat leaba ráhkadan bivttasmearkka.
– Ean lean goassege jáhkkit ahte dát galggai oažžut nu olu fuomášumi ná oanehaš áiggis. Lea hirbmat gelddolaš oaidnit ahte sámi hábmemii ja designii lea nu stuorra beroštupmi, čállá Hanna.
Pride-ávvudeami oktavuođas leaba ráhkadan smávva bivttaskollekšuvdna, ja lea ovttasbarggu gaskkal «Gobmi» ja Guovdageaidnulaš Kamilla Triumf.
Dat boahtá ovdán preassadieđáhusas bearjadaga.