Hopp til innhold

Sámediggeráđđi oassálastá iđitdoaluide Oslos

Otne oassálastá sámediggeráđđi Maja Kristine Jåma Demokratiija iđitdoaluide, maid lágidit Oslo Universitehtas diibmu gávccis. Dat lea arena gos sáhttá digaštallat demokratiija hástalusaid máhtolašvuođa vuođul. Lágideami fáddán lea álgoálbmogiid vuoigatvuođat Norggas, dan dieđihii Sámediggi.

Maja Kristine Jåma
Foto: Marie Louise Somby/Árvu / Árvu/NSR

Korte nyheter

  • Dálvvi vuosttas heargegilvvuin vuite máttabálgosiid hearggit

    Vahkuloahpas vudje dálvvi vuosttas heargegilvvuid. Nuorittas, Yli-Kiiminki lahka vuite máttabálgosiid hearggit. Báhkkaluohká vuittii Kenttälä Reijo ja Kaleva Esa heargi Sämpylä, čállá Yle Sápmi.

    Rabasluohká vuittii Jaakolan talli heargi Jukkis. Njáhcu ja dipma bána lei stuorra hástalussan gilvvuide, nu ahte sotnabeaivve juniorluohká ja rátkinvuoju gilvvut eai lágiduvvon.

  • Dearvvašvuođabálvalus bohccuide ásahuvvo bistevaš ortnegin 

    2024/2025 boazodoallošiehtadusas sohpe Eanandoallo- ja biebmodepartemeanta ja Norgga Boazosápmelaččaid Riikkasearvi ásahit dearvvašvuođabálvalusa bohccuide bistevaš ortnegin.
    Dearvvašvuođabálvalus lea bures váldojuvvon vuostá ealáhusa bealis ja das lea leamaš alla aktivitehta dan rájes go bálvalus álggahuvvui pilohtaprošeaktan guovvamánus 2022.

    Maŋŋel go pilohtaprošeavtta evaluerejuvvui, de lei ovttaoaivilvuohta joatkit bohccuid dearvvašvuođabálvalusain. Dainna eavttuin ahte Stuoradiggi dohkkeha sohppojuvvon šiehtadusa, ásahuvvo Boazodearvvašvuođabálvalus suoidnemánu 1. b. 2024 rájes bistevaš ortnegin, čállá Ávvir

    – Bohccuid dearvvašvuođabálvalus lea bargan ulbmillaččat ja bures dan rájes go pilohtaprošeakta álggahuvvui jagi 2022. Lea buorre oaidnit ahte boazodoallit oidnet ávkki bálvalusas ja ahte dat lea bures vuostáiváldojuvvon. Bálvalus lea dehálaš bagadallan- ja máhtolašvuođaásahus boazodollui, ja mun illudan viidáset ovdáneapmái, dadjá eanadoallo- ja biebmoministtar Geir Pollestad.

  • Moitet go áigot heaittihit beaivekirurgiija fálaldaga Álttá Klinihkas.

    Maŋŋebárgga mearrida Finnmárkku buohcciviesu stivra galget go heaittihit beaivekirurgiija fálaldaga Álttá Klinihkas.

    Finnmárkku doavttersearvvi jođiheaddji Paul Olav Røsbø moaitá dán go leat mearridan heaittihit fálaldaga albmá gulaskuddama haga. Røsbø ii loga iežas áddet stivrra ákkastallamiid dasa ahte heaittihit dán bálvalusa go dát sáhttá njeaidit luohttámuša dearvvašvuođadoibmii.

    Stivra mearridii ovdabeale juovllaid heaittit dán beaivekirurgiija fálaldaga Álttás.