Hopp til innhold

Korte nyheter

  • Ráđđehusa seaguheamis sáhttet váikkuhusat Kárášjoga-áššis

    Uit juridihkalaš fakultehta professor, Gunnar Eriksen, lohká váttisin buohtastahttit Čáhput-ášši Kárášjoga-áššin, nu go ovddeš sámediggeáirras ja sámevuoigatvuođalávdegotti lahttu, Eilif O. Larsen dagai, guhte lei okta njunušolbmuin Čáhput-áššis. Dan čállá Ávvir neahta, ja mii muitaleimmet ođđasiin ikte Larsena balddastahttima. Kárášjoga-ášši lea Álimusrievttis duorastaga guovvamánu 29.beaivve.

    Juridihka professor Eriksen lea čuvvon sámi vuoigatvuođaáššiid dárkilit ja dovdá bures dološáigásaš geavaheami njuolggadusaid. Dál son ballá ráđđehusa seaguhami áššái bilidan, ja ballá maŋimuš ovdánemiid gomihan kárášjohkalaččaid ášši. Dan čállá Ávvir.no

  • Gudnejahttet vuoigatvuođa advokáhta

    Kanada Royal Architectural Institute áigu geiget Kanada álgoálbmogiid vuoigatvuođa advokáhtii ja aktivistii Murray Sinclair:ii RAIC-gollemedálja ánssu 2024.

    Sinclair lea jođihan organisašuvnna mii lea roggan ja almmustahtán ja duođaštan našunála ja provinssaid eisseválddiid eahperehálašvuođa álgoálbmogiid vuostá mat dáhpáhuvve 1800 ja 1900 loguin.

    Preassadieđáhusastis lohká RAIC presideanta Jason Robbins ahte RAIC mieđiha dan ahte Kanada čiekŋalis koloniahistorjá lea dagahan unohis váikkuhusaid Kanada álgoálbmogii. Dan čállá Bustler neahtta-áviisa.

    Avslutningsseremoni
    Foto: BLAIR GABLE / Reuters
  • Givssideapmi lassána

    Ohppiidiskkadeapmi čájeha ahte 10 proseanta ohppiin vásihit givssideami, ja dutkan čájeha ahte givssideapmi lassána ain Norggas.

    Iskkadeami leat dahkan 5. luohká ohppiin gitta joatkkaskuvllaohppiide. Lea smávva erohusat gánddaid ja nieiddaid gaskka, muhto 5.luohká ja 10.luohká ohppiid gaska leat stuorát oasi nieiddaid gaskkas geat dovdet givssideami.

    36,3 proseanta geat dovde givssiduvvon muitalit ahte sihke skuvllas ja ollesolbmot eai leat diehtán dán birra, nu ahte eai leat ožžon veahkki doppe.

    Dutkan čájeha maid ahte mađi boarrásat oahppi lea, dađi unnit givssiduvvo. Eanet givssideapmi lea eanet vuođđoskuvllas go joatkkaskuvllas