Hopp til innhold

Robohta bokte iskat ohki 

Ii goassege ovdal leat Eurohpás geahččaluvvon ultrajietnarobohta bokte iskat ohki, muhto dál dat dáhpáhuvvá Hámmárfeasta buohcciviesus. Hámmárfeasta ja Romssa gynekologat dat galget golbma mánu iskat mo dát vejolašvuohta doaibmá. Finnmárku-buohcceviesu Hámmárfeastta klinihkkahoavda, Vivi Brenden Bech ii loga vel sáhttit dadjat ahte leatgo sii lihkostuvvan, vai eai.

Korte nyheter

  • Barentsčállingottis ain doaibma

    Barentsčállingotti galggašii heaittihit go oktasašbargu lea nohkan ja das eai leat šat dat doaimmat mat leamašan, dan, oaivvilda Nordlys-áviisa politihkalaš redaktevra Skjalg Fjellheim. -Dáid Ruošša ja Norgga oktasašbargui oaivvilduvvon ruđaid sáhttá baicce eará doaimmaide geavahit, oaivvilda Fjellheim. Suinna ii leat ovtta oaivilis čállingotti jođiheaddji Lars Georg Fordal. - Vaikko vel soahti Ukrainas lea bissehan buot politihkkalaš ja almmolaš oktasašbarggu Ruoššain de Barentsčállingottis lea ain doaibma, dadjá Fordal.

    Leder for Barentssekretariatet Lars Georg Fordal
    Foto: Morten Jentoft, NRK
  • Thunberg skeŋkii 30 000 euro Sámi nuoraide

    Ruoŧŧelaš birasaktivista Greta Thunberg skeŋkii Suoma Sámi Nuoraid searvái 30 000 euro dálkkádatbargui. Thunberg oaččui 30 000 ( sullii 312 000 Nok) Maailmanmuttajat-bálkkašumi Niemi Palvelut Oy fitnodagas dálkkádatbarggus ovddas ja dán son attii skeaŋkan Sámi Nuoraid searvái mii ávvudii 30 jagis vahkuloahpas. Thunberg mearridii skeŋket bálkkašumis nuoraid searvái go leat buori barggu bargan dálkkádatrievdademiid oktavuođas.

    –Eamiálbmogat dovdet ja gillájit dálkkádatrievdademiid váikkuhusain ovddimus ja maiddái eastadit dálkkádatrievdademiid. Danne investeren sin bargui ja árbedihtui lea seamma go dálkkádaga suodjaleapmi, dajai Thunberg videosártnistis.
    -Sii barget boahttevuođa ovdii go barget dálkkádatbargguin ja dál sii besset eanet oassálastit dálkkádatságastallamiidda, dadjá Suoma Sámi Nuoraid searvvi ságadoalli Petra Laiti, čállá YLE Sápmi.

    Greta Thunberg var med på pressekonferansen via Zoom.
    Foto: WHO
  • Háliida skeŋket ruđa stohpoláigui oažžun dihtii olbmuid davás

    Vuosttašamanueansa Erlend Bullvåg háliida earret eará unnidit vearu, eret váldet oahppoloana ja skeŋket ruđa stohpoláigui oažžun dihtii olbmuid fárret Davvi-Norgii.

    Bullvåg lea Davvi Universitehta vuosttašamanueansa, ja lea okta daid dutkiin geat leat ráhkadan Business Index North raporta.

    Daid áidna fylkkain gos diibmá lei veahkadatnjiedjan, ledje Norgga guokte davimus fylkka, Statistalaš guovddášdoaimmahaga dieđuid mielde. 2019:i golbma maŋimuš mánuid áigge manahii Nordlánda gávcci ássi beaivválaččat.