Her kan du melde din interesse

Geavahit dahkujierpmi merket vašširihkkosiid sámiid vuostá

Ruoŧa politiiját áigot geavahišgoahtit dahkujierpmi dahje AI vai buorebut sáhttet merket vašširihkkosiid sámiid vuostá, dieđiha P4 Jämtland.

Rihkoseastadeaddji ráđi dahje Brottsförebyggande rådet ođđa raporttas mo vašširihkkosat galggašedje eastaduvvot čujuhuvvo man dehálaš lea merket rihkkosiid vai dihttojit statistihkain.

Sadjásaš politiijáguovlluhoavda Lars Wahlberg lohká iežas doarjut eanaš áššiid mat bohtet ovdan raporttas.

34.568 palestiinnálačča goddon

Ođasmahtton jápminlogut dearvvsvuođaeiseválddiin dain guovlluin Gazas mat leat Hamas hálddus dieđihit, ahte golggotmánu 7. beaivve rájes leat 34.568 palestiinnálačča goddon.

77.765 olbmo leat roasmmohuvvan, dieđiha Reuters.

Garra doarrumat California universitehtas

UCLA universitehta olggobealde leat garra doarrumat miellačájeheaddjiid gaskkas geat dorjot Israela ja daid geat dorjot palestiinnálaččaid, čállá NRK.

Israel-doarju miellačájeheaddjit leat báhčán rakeahtaid tealtaleirii gos leat miellačájeheaddjit geat dorjot palestiinná.

– Odne eahkedis lea leamaš garra veahkaválddálašvuohta leairra buohta. Mii čuojaheimmet vajot politiijáid, čilge universitehta sáhkaolmmoš Mary Osako CBS:ii.

CNN dieđuid mielde leat čuohte miellačájeheaddji váldon gitta Columbia Universitehtas ja City College of New York:s.

Cuoŋománu 18. beaivve rájes leat studeanttat váldon gitta 25 iešguđet universitehtas ja eambbogo 21 oassestáhtas, čuvge CNN.