NRK Meny
Normal

Rámida sámi nuoraid

Stáhtaministtar Erna Solberg rámidii sámi nuoraid, geat logi jagi doaibmaáigodagas leat leamaš sámi ofelažžan ja johtán skuvllaid mielde muitalan dihtii sámiid birra.

Samiske veiviser møtte Statsministeren

Dá lea Stáhtaministtar Erna Solberg dálá ja ovddeš Ofelaččain. Dálá Ofelaččat Jon-Christer Mudenia, Sárá Márjá Utsi, Anne Berit Pulk, Yvonne Marie Miniggio, Stáhtaministtar Erna Solberg ja ovddeš Ofelaččat.

Foto: Mette Ballovara / NRK

Lagabui čuođi olbmo ledje mielde Gamle Logen báikkis Oslos ávvudeamen ahte diet erenoamáš diehtojuohkin ortnet lea gávdnon logi jagi.

Stáhtaministtar mieđiha ahte dáidet almmolaš ásahusat ge dárbbašit dan oahpu maid dáža mánát ja nuorat ožžot sámi ofelaččaid bokte.

Ožžot ođđa buolvva dážaid

Dál oažžut ođđa buolvva dážaid geat máhttet eanet sámiid birra go sin vánhemat dahke, ja dan sáhttet sii giitit čeahpes sámi nuoraid, geat leat leamaš Ofelažžan, nu lohká Norgga stáhtaministtar Erna Solberg.

Son jáhkká dákkár gulahallanvuohki doaibmá buot buoremusat go de leat seamma ahkásaččat geat gulahallet ja nuorat besset suohtas vuogi mielde oahppat sámiid birra lohka Solberg.

Masa buot 35 Ofelačča ledje boahtán

Logi jage dassái son evttohii ásahit dán ortnega. Álggos ledje golbma sámi nuora geat jagi johte skuvllaid mielde, ja dál maŋimuš jagiid leat leamas njealjis. Sámi allaskuvla jođiha Ofelaš prošeavtta mii ruhtaduvvo ráđđehusa beales.

Masa buot 35 Ofelačča ledje boahtán Osloi ávvudeapmái ja moattis sis besse ge deaivvadit stáhtaministariin.

(Ášši joatká gova vuolábealde)

Solberg i samtale med samiske veivisere

Stáhtaministtar rámida sámi nuoraid.

Foto: Mette Ballovara / NRK

– Almmolaš ásahusat berrejit maid oažžut dákkár skuvlejumi

Ann-Mari Thomassen

Sámedikki ráđđelahttu Ann Mari Thomassen rámida maid sámi Ofelaččaid barggu.

Foto: Dan Robert Larsen / NRK

Dan deaivvaheames evttohii okta daid vuosttaš Ofelaččain Ellinor Marita Jåma ahte maiddái Stuorradikke áirasat ja almmolaš ásahusat Norggas berrejit oažžut dákkár skuvlejumi. Stáhtaministtar lohpidii árvvoštallat dien.

Rámida sámi Ofelaččaid barggu

Okta dálá Ofelaččain Ánne Biret Pulk gal liikui dien evttohussii. Maiddai Sámedikki ráđđelahttu Ann Mari Thomassen rámida sámi Ofelaččaid barggu.

Ortnet lea nu bivnnut ahte vel kránnjáriikkain ge árvvoštallet ásahit dákkár ortnega, muitala Thomassen.

  • Guldal ášši :