Oskal` ođđa cd "Fargga"

Su nubbi cd-skierru "Fargga" almmustuvai mannan vahkus. Berit Margrethe Oskal, ii loga mátki gal ollašuvvan musihka dáfus. Sus leat juo ođđa lávlagat ja luođit láddamin.

Berit Margrethe Oskala ođđa cd
Foto: Beritoskal.com siiddus

Gula ášši

Berit Margrethe Oskal ii loga iežas geargan musihkka mátkiinnis. Son ráhkada dađistaga ođđa musihka, musihkka lea seamma go eallin, das leat olu bealit ja lávkkit. Danne sutnje álo bohtet ođđa jurdagat, ja nu dat maid riegáda ođđa musihkka.

Golbma cd-skearru

Su ođđa cd namma "Fargga", ja dan álgo cd namma lea "Mátki". Dál leat guokte juo gárvásat, ja goalmmát dat galgá maid boahttit. Muhto dasa ii leat son vel hutkan nama.

Álgo cd:s leat 12 šuoŋa, ođđa cd:s ges logi. Iežas mielas lea dán cd-skearrus veaháš seavdnjadat sisdoallu ja jietna. Ja dat soaitá leat danne go sus justa dalle jámii áhčči go álggii dáinna cd:n bargat.

Son ieš dovdá ahte dát lea báidnán šuoŋaid dán cd:s. Ja dát cd lea sutnje dego áhččis muitun.

Korte nyheter

  • ON bivddii bissehit Fovsen huksema

    Golbma jagi áigu bivddii ON Norgga bissehit bieggafápmu huksemiid Jorpetjahkes Fovsenis, muhto politihkkarat válljejedje joatkit huksemiin. Ášši lea ain ON beavddis.

    – Maid ráđđehus ja huksejeaddjit dál barget bieggafápmorusttegiin várra mearrida maid ON dahká viidáset, dadjá Norgga árktalaš universitehta professor Mattias Åhren.