NRK Meny

Ollu ruskkat meahcceguovllus

Femundmárkkas čoggojuvvojit juohke gease nu ollu ruskkat ahte deavddášedje gaskamearalaččat 80 gávppašan-puse. Dán muitala Norgga Turisttaid Searvvi bláđđi «Fjell og vidde». Nuoskkideapmi lea stuorra váttisvuohta guovllus gos meahccevánddardeaddjit dávjá tealttástallet. Femundmárkkas leat golbma máttasámi orohaga, nammalássii Saanti, Gåebrien ja Svahken siiddat.