Čakčamánu 25:át beaivvi dat lei Sámediggepresideanta Egil Olli dieđihan ahte son ja su bellodat lea gergosat čáhkket saji earáide jus sin institušuvdnadieđáhus ii bođeš sámedikke meannudeapmai.
Ii dárbbaš
Dál čájehuvvo ahte go smávit bellodagat dorjot bargiidbellodaga, nu go Čielga Sámi jiena Janoš Trosten, Lulli Norgga Sámiid Johan Mikkel Sara, Sámiid Sosialdemokrahtalaš bellodaga Anders Urheim, Johttisámelistta Per A Bæhr, Dáloniid listta Isak Mathis O Hætta ja Guovddášbellodaga Olaf Eliassen, de beassá Egil Olli ja bellodat joatkit Sámedikke njunnožis.
Roavvanjárggas čielgá
Dat mearkkaša ahte go Sámediggi čoahkkana dievas čoahkkimii dán vuossárgga Roavvenjárgga gávpogii Suomas, de ii oaččo Norgga Sámiid Riikkasearvvi ja Sámeálbmotbellodaga maŋidan gáibádus eanetlogu, ja institušuvdna dieđáhus šaddá dalle meannuduvvot nu mo bargiidbellodat lei eaktudan.
NSR ja SÁB okto
NSRa han oaivvilda ahte olles dieđáhus galggašii vuos biddjot ásahusaide guluskuddamii, ovdal Sámedikke loahpalaš gieđahallama. Go nu ii geava, de lea dušše bargiid bellodaga árvalus mii šaddá meannuduvvot, lohká Olli:
