Čiežas juohke logát vuoddjis oaivvildit ahte hárve dahje eai goassige eappargahte čalmmis go leat vuodjimin. 84 proseantta oaivvilda gis ahte eará vuoddjit dat eai nagat oaidnit mii dáhpáhuvvá johtolagas, čájeha guorahallan.
Stáhta geaidnodoaimmahat bidjá danne dán geassái kampánjja johtui mas fuomášuhttet vuoddjiid leat áicilat johtolagas. Juohke goalmmát jápmin johtolagas vuolgá das go vuoddji ii leat doarvái áicil leamaš.
Norgga girku lea dál gávnnaheamen mo girku galgá čuovvolit Duohtavuođa ja soahpahankomišuvnna raportta.
Girkoráđi jođiheaddji Kristin Gunleiksrud Raaum lohká iežaset dál ovddasguvlui áigut guldalit ja oahppat, oaidnit maid raporta árvala go dá guoská buohkaide. Vearrivuohta ferte gul boahtit oidnosii ja sii fertejit váldit dan alcceseaset.
Buot bargit ávžžuhuvvojit maid čuovvut e-kurssa dás, dieđiha girku ođasčállosis.
Otne bovdejit álbmotčoahkkimii guđa áigge eahkedis Guovdageainnus, gos muitalit ođđa NRK drámáráiddu Heajastallan" birra.
Dán ráiddu lea Åse Kathrin Vuolab čállán. Son muitala eahkedis ráiddu birra, Internášunala Sami Filbma Instituhtta, NRK Sápmi ja NRK Drama leat maid čoahkkimis muitaleamin dán buvttadeami birra maid báddegohtet guovvamánus boahtte jagi.
Dás gulat prošeavtta birra:
