Hopp til innhold

Korte nyheter

  • Eahpesihkkarat alkohola geažil

    Mánát sáhttet šaddat eahpesihkkarat olu ovdal go maid leat jáhkkán, go ollesolbmot juhket alkohola. Nu dadjá alkoholvettorganisašuvnna Av-og-til generálačálli, Ragnhild Kaski. Son ávžžuha ollesolbmuid geat ávvudit juovllaid mánáiguin ahte juhket ovtta dahje guokte ovttadat alkohola, ja de bisánit juhkamen. Juovllat galget leat mánáid allabassi, dadjá Kaski.

    Alkohol og jul
    Foto: Anette Torjusen / NRK
  • HIV-njoammun lassánan

    Norggas lassána hirbmosit HIV-njoammumat. Eanaš oassi lassáneami sivvan lea go Ukrainalaččat leat fárren Norgii, dieđiha Álbmotdearvvašvuođainstituhtta. Diibmá čujuhedje 102 olbmos HIV-njoammuma Norggas, dán jagi lea lohku 217 ođđa njoammuma. Golbma, njealji ukrainalaš báhtareaddjis geas lea HIV-njoammun, leat nissonolbmot. Danne lea maiddái nissonolbmolohku, geain leat čujuhan njoammu, badjelis go ovdal lea leamašan.

    Blodprøve
    Foto: Rainer Prang / NRK
  • Unnán dearvvašvuođabargit boahkhuvvon

    Vuollel goalmmádasoassi Norgga dearvvašvuođabargiin leat bijahan influeansaboahku dán jagi. Unnimusat boahkuhuvvon leat vuođđodearvvašvuođabálvalusas, gos vuollel njealjádas lea boahkuhuvvon. Romsa ja Finnmárku lea vuolimusas, gos dušše 18 proseantta lea boahkuhuvvon. Romssa suohkana buhcciidruovttu váldodoavttir, Kjellaug Enoksen, jáhkká beasatlašvuođas lea olu dadjamuš.

    Influensavaksine
    Foto: Tomine Walmsness / NRK