– Mun lean bealle sápmelaš ja bealle Blackfoot indiána , lean eret Sámis ja Blood-reserváhtas Canadas, muhto dál orun Vancouveris. Nu muitala 26-jáhkkásaš Elle-Máijá Tailfeathers .
GULDAL ÁŠŠI:
Neavttár ja filbmadahkki
Elle-Máijá Tailfeathers lea neavttár ja filbmadahkki ja ovddit jagi lei su filbma logi buoremusaid searvvis MTV-gilvvus. Son lea vuolgime San Franciscoi American Indian Filmfestival:ai gos sus filbma galgá čájehuvvot.
Mii deaivvadit suinna Guovdageainnus eamiálbmot filbmakonferánsas gos sus čájehuvvui oanehis filbma “Bloodland” mii lea Blackfoot indiánaid birra.
Sus lea miella ráhkadit sámegielfilmmaid, muhto lohká iežas fertet oahppat eambbo sámegiela ja hárjehallat hupmat eambbo.