Hopp til innhold

Ođđa oahpponeavvuriiddus

Vuot lea Sámedikkis nággu oahpponeavvuid buvttadeamis.

Aili Keskitalo, Kjersti Myrnes Balto og Jørn Are Gaski
Foto: Nils Henrik Måsø / NRK

Norgga Sámiid Riikasearvvis leat eddon go Sámediggeráđiláhttu Jørn Are Gaski lohká NSR:a buktit árvalusa mii lea lávki ruovttoluotta sámi oahppaneavvu-buvttadeamis.

Gula: Aili eddon Jør Are Gaski dajaldahki

Ii ádde Gaski

Norgga Sámiid Riikasearvi lea buktán árvalusa lasihit golbma miljovnna kruvnna sámi oahpponeavvubuvttadeapmái, muhto Sámediggeráđđi Jørn Are Gaski ii loga dan čoavdit váttisvuođaid ja lea lávki ruovttoluotta dáid plánain.

Dát lea suhttadan Norgga Sámiid Riikasearvvi go lohke Gaski iežas leamaš mielde dákkár jurddašeamis.

Keskitalo suhttan

– Gaski lei mielde ságastallamis go álggus ovddiduvvui dát jurdda, lasihit oahpponeavvubuvttadeami golmma miljovnna kruvnnan, lohká NSR:a parlamentarálaš jođiheaddjin Aili Keskitalo.

Keskitalo ii gal ádde šat maid Bargiidbellodat oaivvilda go fáhkka leat dát boares árvalusat ja ođđa čovdosiid ferte huŧkat.

Korte nyheter

  • Heaittihit davvisámegiel gáiddusoahpahusa

    Máttasámi máhttoguovddáš Aarbortes Nordlánddas heaitá addimis gáiddusoahppu davvisámegielagiidda.

    Máhttoguovddáš lea stáhtalaš, ja Oahpahusdirektoráhtta lea mearridan baicce bidjat eambbo deattu mátta- ja julevsámegiela oahpahussii, nu mo guovddáža bargogohččun lea, ja lea leamaš dan rájes go ásahuvvui 2017:is, dadjá Oahppodirektoráhtta ossodathoavda Hilde Austad.

    Dán leat váhnemat lossadit váldán, gulat Veaigesáddagis.

    Hilde Austad
    Foto: HANS VOLD HUSUM
  • Ruovttuguovlu divrras sámenieiddaide

    Báikkálaš historjá, bearaš ja ruovttuguovlu lea dehálaš sámeguovllu nieiddaide. Nu čájeha váras dutkamuš, man filosofiijamagisttar Helena Ristaniemi lea dáhkan. 12 nieidda Suoma sámeguovlluin serve dutkamuššii. Dutkamuš dárkkistuvvui Oulu universitehtas bearjadaga. Dan dieđiha Yle Sápmi.

    Ristaniemi dadjá ahte ruovttuguovlu lea divrras nieiddaide, ja sii dovdet bures guovllu historjjá. Sámenieiddat smihttetge, go válljejit oahppu, ahte beasašit ruovttuguovllustis eallit boahtteáiggis.

  • Kárášjoga eatnamiid diggeášši loahpahuvvon

    Meahcceduopmostuolu diggeášši Kárášjoga eatnamiid hárrái lea loahpahuvvon. Golbma vahkku leat lágastallan.

    15.000 siiddu áššebáhpárat leat ovddiduvvon Meahcceduopmostullui ja olu vihtanat leat leamaš čilgemin dan golmma beali ovddas, geat leat ođđajagimánu ovccát beaivve rájes lágastallan.

    Justa goas Meahcceduopmostuollu buktá iežas cealkámuša dán diggeáššis ii leat vel sihkar, muhto dat ii šatta gal ovdal beassážiid, dadje dikkis go loahpahedje diggeášši.

    Finnmárkokommišuvnna eanetlohku almmuhii 2019;is ahte Kárášjohka gullá báikkálaš olbmuide ja dasa eai lean Finnmárkkuopmodat (FeFo) ovtta oaivilis. Nu manai ge ášši Meahcceduopmostullui gos dál leat golbma vahkku lágastallan.

    Les saken på norsk.