Dáid lávlagiidda lea Ima Aikio-Arianaick čállán teavsttaid ja nuohtaid leaba lávluguovttos, Hilda Länsman ja Niillas Holmerg, heivehan. Earet "Rávnnji fárrui", go dasa lea Hilddá eadni, Ulla Pirttijärvi-Länsmann, bidjan nuohta.
Lávlagiid sisdoallu
Ođđa CD lávlagat muitalit moaráskan dápmohis, dávvirváris mii hávkada ja dihtorgopmis mii falleha. Fáddán leat earret eará buoidda, fievrrut, luottat ja gápmagat.
Aikio-Arianaick lea maid ovdal lágidan CD. Dan namma lea "Ima ipmašat". Ođđa CD lea joatka dán CD:ii.
Ođđa lávlut lávlot ođđa CD:s
Ima Aikio-Arjanaick ovddit CD:s lávlu sámi beakkánis ártisttat, nugo Mari Boine, Niko Valkeapää, Sofia Jannok ja Kai Somby. Dál dáhtui son nuorra lávluid lávlut lávlagiid, vai sosige beassaba ovddasguvlui sámi musihkkamáilmmis.
Ođđa lávluguovttos leabage Hildá Länsmann 17 jagi ja Niillas Holmberg 20 jagi. Dát lea sutno vuosttaš CD, muhto preassadieđáhusastis čállá DAT-lágádus ahte Niillas Holmberg:s álmmustuvvá CD dán jagi mielde.