NRK Sámi bargit ledje čoahkkanan olggobeallai vistti geahččat beaivvášsevnnjodeami. Go áigu geahččat go beaivváš sevnnjoda, de fertejit leat erenomáš čalbmeglásat dasa. Ja dušše ovttas ledje diekkár čálbmeglásat mielde.
Muhto ii mihkkige heđiid, go glásat manne gieđas gihtii dan botta go gehčče. Eai ge buohkat dárbbašan diekkár erenomáš glásaid. Hutkkás olbmot ledje ieža ráhkadastán geahččanávdnasiid.
Ravna Nystad geahččamin beaivváža ávdnasiin maid ieš lea ráhkadan.
Foto: Felicia Löfgren / NRK
Iđđesárrat, ovdal go beaivváš sevnnjodišgođii, doamihedje olbmot ráhkadastit ávdnasiid vai besset geahččat beaivvášsevnnjodeami. Ravna Nystad lei okta dain gii ieš lei ráhkadan reaiddu. Ieš dadjá ná:
– Dát gal lei oalle stilig!