Norgga dearvvašvuohta
Norgga álbmoga dearvvašvuohta lea buoremusaid searvvis. Dan čájeha Eurohpá dearvvašvuođaraporta, man máilmmi dearvvašvuođaorganisašuvdna WHO almmuhii otne. 53 riikka dearvvašvuođadieđut leat čohkkejuvvon dása. Dieđuin boahtá earet eará ovdan ahte eurohpalaččat ellet guhkit go ovdal, seammás fuomášuhttet ahte alkohola, borgguheapmi ja buoidivuohta čuohcá dearvvašvuhtii.