Norgga boarraseamos sámesearvi 75 jagi
Lávvardaga ávvuda Oslo Sámiid Searvi (OSS) 75 jagi.
OSS vuođđuduvvui jagis 1948 ja lea Norgga boarráseamos sámesearvi.
– Mii leat rámis leat sámesearvin, mas leat guhkes árbevierut čalmmustahttit sámi kultuvrra. 75 jagi leat mii leamaš Norgga oaivegávpogis guovddážis ovddideamen sámi vuoigatvuođaid ja beroštumiid.
Nu čállá Oslo Sámiid Searvvi jođiheaddji, Tor Gunnar Nystad, bovdehusas ávvudoaluide.
Les på norsk