Hopp til innhold

NAV: Buozalmasjávkan lassána psyhkalaš gillámušaid geažil

Les på norsk.

Ođđa logut NAV:as čájehit ahte doavttirdieđihuvvon jávkan psyhkalaš gillámušaid geažil lassánii vuosttáš oasis 2024:is. Erenoamážiid nuoraid gaskkas, 30 proseantta 25-29 jahkásaččaid jávkamis lea psyhkalaš gillámušaid geažil.

– Buozalmasjávkan psyhkalaš gillámušaid geažil lea veahážiid mielde lassánan 2005 rájes, muhto daid maŋemus jagiid mii leat oaidnán stuora lassáneami. 2019:i rájes lea buozalmasjávkan psyhkalaš gillámušaiguin lassánan 44 proseanttain, dadjá bargo- ja čálgodirektevra Hans Christian Holte.

Dat lea maid diagnosajoavku mas buozalmasjávkan gaskamearálaččat bistá guhkimus, ja lassáneapmi olbmuin dain buozalmasjávkandiagnosain váikkuha danin buohcanjávkamii olu ja guhkes áigái.

Finnmárkkus lea buozalmasjávkan 7,3 proseanta, mii lea nubbin alimus buozalmasjávkan riikkas, maŋŋel Østfolda. Romsa juogada goalmmát saji Nordlánddain.

Muđui riikkas lea buozalmasjávkan 6,2 proseanta.

Korte nyheter

  • Davvi-Norgga gielddain heajumus ekonomiija

    Dušše 10 gielddas Romssas ja Finnmárkkus lei diibmá netto doaibmaboađus siskkobealde ávžžuhuvvon dási.

    Olles 23 gieldda bukte rehketdoallologuid main ledje negatiiva netto doaibmabohtosat.

    Romssa ja Finnmárkku Stáhtahálddašeaddji gielddaekonoma, Linn Carina Utsi, muitala ahte sivaid sáhttá oaidnit alla haddelassáneami, alla velggiid ja lassánan reanttuid oktavuođas.

    – Mun jáhkán ahte ássit fertejit hárjánit eará dássái bálvalusfálaldaga ektui dás ovddasguvlui, dadjá Utsi.

    Dronebilde av Båtsfjord havn tatt 17.07.2022

    Kommuner i nord er på gjeldstoppen

    Kommunene i Norge har fått mer gjeld per innbygger og verst er det i nord. Finnmark har hele pallen for seg selv når det gjelder topp tre, med Båtsfjord øverst.

  • DNB áigu fállat Apple Pay dán jagi

    Les på norsk.

    DNB áigu 2024:s fállat Apple Pay norgga kundariidda, čállet sii preassadieđáhusas.

    Fitnodaga dieđuid vuođul guoská dát buot fitnodaga kundariidda.

    DNB ii leat ovdal háliidan fállat kundariidda dán čovdosa, go Apple lea biehttalan eará mobiila burssaid beassamis NFC-chipii iežaset ovttadagain.

    Logoen til DNB.
    Foto: Terje Pedersen / NTB
  • Kárášjogas eai soaitte hukset ođđa dearvvašvuođaguovddáža

    Les på norsk.

    Kárášjoga politihkkárat soitet bissehit ođđa dearvvašvuođaguovddáža huksema.

    Dan ballá sátnejođiheaddji Svein Atle Somby.

    Son muitala Ságat-aviisii ahte lea fuolastuvvan go golut skuvlla ja dearvvašvuođaguovddáža huksemii sakka lassánit.

    Golut leat lassánan 300 miljovnna kruvnnuin mannan borgemánu rájes.

    – Mii fertet gulahallat gielddastivrrain ja mearridit maid mii galgat dahkat. Soaitá leat nu ahte mii fertet vuos hukset skuvlla, dadjá Somby, ja lasihastá vel:

    – Jus ná geavvá, de mun lean áibbas sihkar ahte mii divodit dan boares dearvvašvuođaguovddáža.

    Kárášjoga gielda - Karasjok kommune
    Foto: Dan Robert Larsen / NRK