Lagabui 400 olbmo serve vázzimii Roavvenjárggas ikte. Maiddái sámi njunušpolitihkárat ledje mielde vuostálastime turistaindustriija.
Lei ráfálaš, muhto rieddjás akšuvdna mii lea Roavvenjárggas duorastaga maŋŋelgaskabeaivvi. Politiijat čuvvo olbmuid gitta guovddážii.
Dorjot nuoraid
Mánga sámediggepolitihkkára Norggas serve miellačájehemiide.
– Mun doarjjun nuoraid ollásit. Mii ferte čilget máilbmái manne min mielas lea boastut dinet ruđaid min kultuvrras go mii ieža eat oaččo ávkki das, lohká ovddeš sámediggepresideanta Aili Keskitalo (NSR).
Sihke Ruoŧa, Suoma ja Norgga politihkkárat ledje searvvis čájeheame vuostemiela gávpotguovddážis. Sihke Norgga sámediggepresideanta Egil Olli ja várrepresideanta Marianne Balto leigga vuolgán Roavvenjárggas eará báikái eará čoahkkimiidda.
– Livččen áinnas háliidan oaidnit Egil Olli maid dáppe, muhto almma hal sus ledje eará doaimmat mat su mielas ledje deháleabbo, dadjá Keskitalo.
-Oassi poletihkkemis
Son lohká dákkár miellačájeheami leat oassi politihkas ja demokratiijas.
– Sáhttá leat hui ávkkálaš go olbmot dáppe oidnet min. Sii soitt buorebut ipmirdit ahte midjiide lea dehálaš ahte eai ane boastut min kultuvrra. Dat sáhttá leat hirbmt ávkin, go de ipmirdišgohtet ahte mii háliidit ieža stivret iežamet kulturáššiid,dadjá Keskitalo.