Hopp til innhold

Liikon go Keskitalo joatká

NSR:a áirras Sámedikkis, Guovdageainnu sátnejođiheaddji Klemet Erland Hætta mielas lea buorre go Keskitalo lohpida leat NSRa presideantaevttohas.

Klemet Erland Hætta Naranaš birra
Foto: Piera Balto / NRK

Aili Keskitalo dieđihii ikte NSRa riikkastivrii, ahte son vuolgá presideanttaevttohassan 2009 sámediggeválggaide.

Son fidne maid stuorra doarjaga NSR:a báikkálaš servviin.

GULDAL: Keskitaloi doarjja

Vuosttas nisu

Aili Keskitalo šáttai vuosttaš sámi nisson Sámedikkepresideantan jagi 2005:as. Dalle moite soapmásat ahte son ii lean ovdal doaibman politihkkárin parlamentáralaš systemas, ja ahte Keskitalo dan sivas ii lean rivttes olmmoš láidestit Sámedikki.

Aili Keskitalo
Foto: Mohammed Alayoubi / NRK

Guovdageainnu sátnejođiheaddji, Klemet Erland Hætta ii leat ovttaoaivilis dalá moaitagii, ja lohká Keskitalo dán golmma jagis čájehan ahte son lea duostilis politihkkár.

Geassádii diibmá

Keskitalo mearredii geassádit Sámedikkepresideantan jagi 2007:as, máŋŋil go čuožžiledje ovttasbargováttisvuođat NSR:a ja dáid smávit joavkkuid gaskkas sámediggeráđis.

NSR:a parlamentáralaš nubbinjođiheaddji, Randi Skum, oaivvilda ahte Keskitalo čájehii politihkálaš givrodaga ja nanusvuođa go geassádii.

Aili Keskitalo lea leamaš Norgga Sámiid Rikkasearvvi jođiheaddji jagi 2003 rájes. Sámedikki vuogádagas lea son erenomážit beroštan ovddidit giella- ja skuvllaáššiid. Seammás lea son áŋgirit ovddidan sámiid vuoigatvuođaid, nugo mat minerallága oktavuođas.

Doarjja servviin

Maiddái Iinná ja biras sámiid searvvi jođiheaddji, Ann-Mari Thomassenas lea stuorra luohttámus Aili Keskitaloi nugo NSR:a riikkastivrra presideantaevttohassan.

Korte nyheter

  • Arvedálki sáhttá dagahit ahte Norway Cup ferte maŋidit čiekčamiid

    Les på norsk.

    Olu arvi Oslo guovllus dagaha váttisvuođaid Norway Cupii. Vuosttaš čiekčamat mat galget álgit sotnabeaivve, soitet dál maŋiduvvot.

    – Mii čuovvut dárkilit mielde ja fertet árvvoštallat fertejit go čiekčamat maŋiduvvot. Lea dálki mii dál stivre min, dadjá Norway Cup sadjásaš váldočálli Marthe Bøhler NTB:i.

    Jus maŋidit čiekčamiid, de sirdojuvvojit čiekčamat sisa ja ođđa áiggit almmuhuvvojit go leat gárvásat.

    Paráda ja rahpančájálmas lávvordaga lágiduvvo nu go dábálaččat.

  • Offroad Finnmark vurderer ekstra tiltak på grunn av sydenvarme

    I en pressemelding skriver Offroad Finnmark at ledelsen vurderer å sette opp en vannstasjon på toppen av fjellet etter at deltakerne har klatret flere høydemeter fra Alta sentrum.

    – Deltakerne er forberedt på det meste, som mygg, uvær, snø, kulde og at det kan bli veldig varmt. Men en slik temperatur vil nok være utfordrende for mange, sier leder i Offroad Finnmark, Kjetil Johansen, i pressemeldingen.

    Ifølge han vil det derfor bli lagt inn en egen seanse omkring varme og væskeinntak under kveldens ryttermøte.

    – Våre rittledere vil informere om hvordan deltakerne må sikre seg vann underveis i rittet, ved de forskjellige elvene og bekkene som de passerer.

    Offroad Finnmark går av stabelen lørdag.
    Foto: Anders Abrahamsen