Lagabui 30 bargi Sámi allaskuvllas bárgoheaitagii
– Das leat váikkuhusat, Sámi allaskuvla lea smávva ásahus, 27 bargi váldojit bargoheaitagii ja daid searvvis leat maid jođiheaddjit.
Vuossárgga geassemánu goalmmát beaivvi váikkuhišgoahtá Unio bárgoheaitta Sámi allaskuvlii. Čilge Sámi allaskuvlla rektor Liv Inger Somby.
Somby deattuha ahte eai dieđe vel mo bargoheaitta boahtá váikkuhit, muhto eksámenat čađahuvvojit:
– Nu go dál lea ja nu go mii leat plánen máŋga vahku dassái, de orru leame nu ahte ruovttueksámenat ja skuvlaeksámenat čađahuvvojit. Muhto dan maid mii eat dieđe lea man guhká bargoheaitta bistá ja mo dát váikkuha njálmmálaš eksámeniidda.