Korte nyheter

  • Čorgadis sirrenbargguid

    Finnmárkku fylkagielda čuožžila sierra regiovdnan fas jagi dahje beannot jagi geahčen. Dan vuordá Tromssa ja Finnmárkku fylkagieldda fylkaráđijođiheaddji Bjørn Inge Mo. Ođđa ráđđehus lea dohkkehan ahte dat stuorra regiovdna Tromsa ja Finnmárku sirrejuvvo. – Dás ferte sis rabas ja čorgadis proseassa Tromssa ja Finnmárkku fylkagieldda bargiid hárrái, lohká Bjørn Inge Mo.

    Fylkesrådsleder Bjørn Inge Mo (Ap) er 100 % sikker på at det blir oppløsning av Troms og Finnmark
    Foto: Marita Andersen / NRK
  • Hætta Eriksen 100 jagi

    Guovdageaidnulaš Edel Hætta Eriksen devddii 100 jagi ikte. Guhkes eallimis lea viššalit ja áŋgirit bargan oažžut sámegiela oidnosii ja oahpahusgiellan. Son lea maiddái leamaš guovddážis sámi kultureallimis.

    Edel Hætta Eriksen, 100 jagi
    Foto: Marianne Boine / NRK
  • Áigot sámevašiin bargat

    Sámevašši galgá loktejuvvot sierra áššesuorgin Sámediggeráđis, nu boahtá ovdal Beaiveálgu-julggaštusas. Ođđa sámediggeráđđi galgá vuoruhit doaimmaid mat eastadit sámevaši ja mat buktet máhtu ja meannudanvuogádagaid, čuožžu julggaštusas.

    Kommentarfeltet. Hets mot samer
    Foto: Mikkel Berg-Nordlie / NRK