Hopp til innhold

Kulturskuvla almmuha CD

Guovdageainnu kulturskuvlla oahppit leat lávlon ja juoigan Cd:ai "Olmmáivuohta", mii almmuhuvvo juovlamánu 15.beaivvi.

Guovdageainnu kulturskuvlla koarra
Foto: Preassagovva: Sergey Gavrilov og Sara Victoria Andersen

Ášši doaimmaha Anne Randi Oskal ja Piera Jouni Somby

Cd buvttadeapmi mearkkaša olu mánáide ja nuoraide go sii leat bidjan olu návccaid hárjehallat sihke lávlut, juoigat ja čuojahit iešguđetlágan instrumeanttaid. Ná muitala Kulturskuvlla oahpaheaddji Ann-Mari Andersen.

Cd:as leat logi lávlaga ja luođi, sihke boares lávlagat muhto maiddái áibbas ođđa lávlagat máid muhtin kulturskuvlla oahppit ieža leat čállán. Ollusat oahppiin leat dan viđá jagis go leat leamašan mielde kulturskuvllas, šaddan hutkás musihkkárin.

Inger Karoline Gaup
Foto: Ann-Mari Andersen

15 jahkásaš Inger Karoline Gaup lea čállán lávlaga "Olmmáivuohta" mii maid lea Cd`a tittel. Dát lávlla heive okti Kulturskuvlla ulbmilin mii lea ahte juohkehaš galgá váldit nuppis vára ja soabalašvuođas ovttastallat, muitala kulturskuvllaoahpaheaddji Ann-Mari Andersen.

32 kulturskuvlla oahppi 1. gitta 10-luohkkái leat geargan lávlumis ja juoigamis Cd:ai, ja dál ii leat sis eará bargu go plánet realease-konseartta juovlamánu 15.beaivái, dalle go almmuhit Cd mii lea deaddiluvvon 2000

Guovdaheainnu kulturskuvlla oahppit
Foto: Ann-Mari Andersen

Korte nyheter

  • Stáhtačálli šaddá evttohussan sátnejođiheaddjin Guovdageainnus

    Stáhtačálli johtolatdepartementtas, Johan Vasara šaddá evttohussan Bargiidbellodagas Guovdageainnus.

    Bellodagas lei čoahkkin bearjadaga gos mearridedje dan.

    Dat boahtá ovdan preassadieđáhusas man sii leat sádden NRK:ii.

  • Davvi-Norggas alimus temperatuvra

    Ođđajagimánus lei Davvi-Norggas alimus temperatuvra, go buohtastahttá normála temperatuvrrain. Nu čállá Meteorologalaš instituhtta Twitteris.

    Várjjat, Nordlándda ja Romssa guovlluin lei 2,6 gráda badjelis go dan mii lea normála ođđajagimánus.

    Nord-Norge med høyest temperatur i januar
    Grafikk: Meteorologisk institutt
  • Statssekretær blir ordførerkandidat i Kautokeino

    Statssekretær i samferdselsdepartementet, Johan Vasara, stiller som ordførerkandidat for Arbeiderpartiet i Kautokeino.
    Partiet i kommunen hadde nominasjonsmøte fredag, og de sier i en pressemelding at de stiller klare til valg med Vasara på topp.

    Statssekretær Johan Vasara (Ap) Samferdselsdepartementet
    Foto: JOHN-ANDRE SAMUELSEN / NRK