Hopp til innhold

Korte nyheter

  • Kárášjoga-áššis oaidná ovttaláganvuođaid Čáhput-áššis

    Duorastaga álgá Kárášjoga-ášši Alimusrievttis ja okta sis guhte lei njunnošis Čáhput-áššis badjilaš 20 áigi čuovvu dál dárkilit Kárášjoga-ášši.

    Ovddeš Sámediggeáirras ja sámevuoigatvuođalávdegotti lahttu Eilif O. Larsen lei okta njunušolbmui Čáhput-áššis. Son lea jođihhan Čáhput-siidda ja nu dovdá son ášši bures. Dan čállá Ávvir neahtta.

    Kárášjoht-áššis oaidná son čielga ovttaláganvuođaid sin áššis. Ovttajienalaš Alimuritkti celkkii Golggotmánu 5.beaivve 2001:s duomu Čáhput-áššis ahte Olmmáivákki eanaeaiggádat ledje rievttes eaiggádat, oktasaš dološ áiggi rájes geavaheami geažil. Nu sáhttá Kárášjoga-ášši buohtastahttit Čáhpput-áššiin, lohká Larsen Ávvir neahtta áviisii.

    Eilif O. Larsen
    Foto: Klemet Anders Sara / NRK
  • Suohkan ferte geavahit foandda ruđaid veahkkin gokčat velggiid

    Guovdageainnu suohkan lea mearridan geavahit háldogeavahanfoanddas ruđaid gokčat bušeahtas jahkásaš dássehisvuođa.


    Suohkandirektevrra Karin Hætta lohká ahte duohtavuohta lea, ahte suohkan ferte seastit 30 mill kruvnnu boahtte golmma jagis. Dan čállá Altaposten
    Gielddaid- ja guovlluid departemeanta dat lea dieđihan Guovdageainnu suohkana Robek listui. Vuođđun sis dasa lea go suohkan lea bušeteren stuorrát negatiivva bohtosa bušehttii jagi 2024 - 2027 áigodahkii. Dasa lassin áigu vel suohkan geavahit háldogeavahanfoandda veahkkin gokčat suohkana velggiid ja dán ii boađe suohkan nagodit.


    – Jus 2024-2027 áigodaga bušeahtta galggaš mannat balánsii de suohkan ferte geavahit háldogeavahanfoandda veahkkin, čilge Karin Hætta glr.no nehttii, čállá Altaposten.

  • Spellemann-bálkkašupmi ii šat NRKs

    Odne almmuhii NRK ahte dás duohko ii oidno Spellemann-bálkkašupmi šat tv-sáddagis, nu go lea dahkan 50 jagi.

    Dál leat Nettavisen ja Amedia-kanalat mat galget dan rávdnjet, ja dat de oidno cuoŋománu 4. beaivvi.

    Máŋga sápmelačča leat vuoitán bálkkašumi dán Norgga deháleamos musihkkamáilmmi bálkkašumis, nu go Mari Boine, Niko Valkeapää, Transjoik, Maja Mortensson, Inga Juuso, Gabba, Peder Niilas Tårnesvik ja Biret Ristin Sara.

    Dás sáhtát dárogillii lohkat ášši.

    Marja Mortensson, Spellemannpris 2021
    Foto: Paal Audestad / Paal Audestad