Kalstad NRK Sámi ođđa direktevra
Guovdageaidnulaš Johan Ailo Kalstad (42) lea virgáduvvon NRK Sámi ođđa direktevran. Son boahtá virggis Sámi allaskuvla direktevran, gos lea bargan 2017 rájes.
– Olles NRK:s ja earenoamážit NRK Sámis lea hui dehálaš servodatdoaibma čadnon sámegielaid ja sámi kultuvrra ja servodateallima seailluheapmái ja ovdánahttimii. Mun duođai háliidan leat fárus dán deavdime buori vuogi mielde ja NRK Sámi ovdánahttit ain viidáseappot, son lohka.
Kalstad lea ovdal bargan Geelmuyden Kiese, Statkraft ja NRK Sámi ovddas. Son váldá badjelasas direktevrra virggi Mona Solbakkas ja álgá virgái čakčat. Jan Roger Østby lea gaskaboddosaččat direktevravirggis gitta Kalstad álgá.