Duorastaga lea fas ízü-TV sátta. Dan háve lea studioguossin Jovsset Fjellgren. Son lea dan jagáš ruoŧameašttir Thai-boksemis. Ja go son boahtá ízü-TV studioi de dieđusge šaddá doarrun!
Gii lea Jovsset? Jovsset Fjellgren lea lullisápmelaš ja davvisápmelaš. Son lea bajásšaddan Stockholmas. Dak son orru Oslos ja bargá giellabargin norggabeale Sámedikkis. Muhto astoáiggis son hárjehallá, hui olu, thai-boksema. Dan son lea dáhkan juo 8 jagi. Lei soaittáhagas ahte Jovsset vulggii muhtin olbmá mielde Thai-boksen hárjehallamii. Ja son liikui dasa nu bures ahte dal son geavaha váikko man olu áiggi dasa. Dan jagi son vuitti ruoŧameašttir gilvvuid iežas luohkás. Ja dan skábma son galgá ge máilmmimeašttir gilvvuide searvat.
Duorastaga 14/4 dii.2105 oainnát movt lei go Jovsset lei studioguossin ízü’s! NRK3žis!
Dál su suhtada almmolaš muitalus skuvlainternáhtaid eallima birra maŋŋel soađi. Su oainnu mielde lea šaddan eanaš muitalus givssideami ja vearredaguid birra.
– Dat gal ii doala deaivása. Mánát ohppe sosialiseret ja besse oahpásnuvvat eará giliid mánáiguin. Ollugat čatne ustitvuođa eallináigái, dadjá Hætta.
– Dat lei olu oahpaheddjiid duohken mo oahppiid áigodat internáhtain lei, njulgestága, lohká sosialantropologa ja ovddeš Duohtavuođa- ja seanadankommišuvnna lahttu, Ivar Bjørklund.
Son oaivvilda ahte dat mii dáhpáhuvai internáhtain maŋŋel soađi, lei hui ollu dan duohken makkár jurdagat oahpaheddjiin ledje.
Go vel dáruiduhttin ii lean ge šat nu čielga áigumuš, de ain ledje sii geat doaimmahedje dan.
– Nu ožžo oahppit hui iešguđetlágán vásáhusaid. Muhtun buorit ja muhtun heajos, lohká son.
Ivar Bjørklund lea ovtta oaivilis ahte dat mii lei positiiva dáruiduhttima doaimmain, lei ahte ollu mánát ožžo oahpu.
Muhto: – Haddi dan oahppus lei sin gielalaš ja kultuvrralaš duogáš. Dát lea mii gieđahallojuvvo kommišuvdnaraporttas ja mii lei Stuorradikki mandáhtta.
Su mielas galggašii lea váttis oaidnit mo dáruiduhttin lei riggodahkan sámi mánáide.
– Tragedia lei ahte Norgga politihkkárat eai sáhttán govahallat ahte skuvlavázzin ja čálgoburiide searvan livččii sáhttán dáhpáhuvvat sámi ja kvena kulturvuođu eretváldima haga.