Hopp til innhold

Ii guođe presideanta ámmáha

Dálá Sámediggepresideanta, Egil Olli, áigu ain joatkit ámmáhis boahtte válggaid radjai, ii ge čáhkket saji eará Bargiidbellodaga áirasii.

Aps gruppeleder Egil Olli
Foto: Elvi Norvang / NRK

Norgga Sámiid Riikasearvvi mielas dat ii oro Olli šat heivvolaš ovddasteaddjin sámi álbmogii. Sivva dasa lea earret eará go su su jođihanjoavku Sámedikkis lea botken ovttasbarggu Nordkalottlistu, Toril Bakken Kåven:iin. Ráđis ii leat šat eanetlohku.

GULA ÁŠŠI:

–Nubbi dehálaš ágga lea go presideanta gieskkat oasálasttii tv-prográmmas mas ii máhttán NSR:a mielas čilget prinsihppalaš sámi áššiid, lohka nubbijođiheaddji ja Sámediggeáirras, Gunn Britt Retter.

Gunn Britt Retter

Gunn Britt Retter

Foto: NRK

Su mielas lei Olli:s stuorra vejolašvuohta čilget olles Norgii sámepolitihkka birra.

Egil Olli lohka iežas joatkit presideanttan nu guhka go eanetlohku luohttá sutnje.

–Boahtte válggain gal in šat áiggo presideantaevttohassan, ja in álmmut dan ge gean evttohivččen ođđa presideantaevttohassan, ii ge oktage leat mus jearran makkárge nama, lohka Olli.

Son lohka ahte jus sus lea evttohus gii su máŋŋil galggášii leat presideanttan, de son álmmuha bargiidbellodahkii, ii ge media bokte.

Korte nyheter