Hoahpus dahkan mearrádusa
SG bellodatjođiheaddji, Kirsti Bergstø, mielas lea mearrádus heaittihit beaivekirurgiija Álttás dahkkon beare hoahpus. Su mielas livččii galgat vuos guorahallat makkár váikkuhusaid heaittiheapmi buktá.
Bergstø oaivvilda ahte Finnmárkku buohcciviesu stivra berre guldalit bargiid geat ballet dát sáhttá dagahit ahte pasieanttat duvdojuvvojit eret Finnmárkkus.
Bergstø bivdá dearvvašvuođaministara čoavdit ášši.