Hopp til innhold

Korte nyheter

  • Ráđđehusa seaguheamis sáhttet váikkuhusat Kárášjoga-áššis

    UiT juridihkalaš fakultehta professor Gunnar Eriksen lohká váttisin buohtastahttit Čáhput-ášši Kárášjoga-áššiin, nu go ovddeš sámediggeáirras ja Sámi vuoigatvuođalávdegotti lahttu Eilif O. Larsen dagai, guhte lei okta njunušolbmuin Čáhput-áššis. Dan čállá Ávvir neahtta, ja mii muitaleimmet ođđasiin ikte Larsena bálddastahttima. Kárášjoga-ášši lea Alimusrievttis duorastaga guovvamánu 29. beaivve.

    Juridihkkaprofessor Eriksen lea čuvvon sámi vuoigatvuođaáššiid dárkilit ja dovdá bures dološáiggi geavaheami njuolggadusaid. Dál son ballá ráđđehusa seaguheami dagahit ášši ovdii ja ballá maŋimuš dáhpáhusaid gomihit kárášjohkalaččaid ášši. Dan čállá Ávvir.no

  • Gudnejahttet vuoigatvuođa advokáhta

    Kanada Royal Architectural Institute áigu geiget Kanada álgoálbmogiid vuoigatvuođa advokáhtii ja aktivistii Murray Sinclair:ii RAIC-gollemedálja ánssu 2024.

    Sinclair lea jođihan organisašuvnna mii lea roggan ja almmustahtán ja duođaštan našunála ja provinssaid eisseválddiid eahperehálašvuođa álgoálbmogiid vuostá mat dáhpáhuvve 1800 ja 1900 loguin.

    Preassadieđáhusastis lohká RAIC presideanta Jason Robbins ahte RAIC mieđiha dan ahte Kanada čiekŋalis koloniahistorjá lea dagahan unohis váikkuhusaid Kanada álgoálbmogii. Dan čállá Bustler neahtta-áviisa.

    Avslutningsseremoni
    Foto: BLAIR GABLE / Reuters
  • Givssideapmi lassána

    Ohppiidiskkadeapmi čájeha ahte 10 proseantta ohppiin vásihit givssideami, ja dutkan čájeha ahte givssideapmi lassána ain Norggas.

    Dás leat oahppit jearahallojuvvon 5. luohkkálaččaid rájes gitta joatkkaskuvlla ohppiide. Leat smávva erohusat gánddaid ja nieiddaid gaskka, muhto 5. luohká ja 10. luohká ohppiid gaskkas lea stuorát oassi nieiddaid gaskkas geat vásihit givssideami.

    36,3 proseantta ohppiin, geat dovde iežaset givssiduvvon, eai loga skuvlla eaige ollesolbmuid diehtán dán birra, nu ahte eai leat ožžon sis veahki.

    Dutkan čájeha maid ahte mađi boarrásat oahppi lea, dađi unnit givssiduvvo. Givssideapmi lassána vuođđoskuvllas eanet go joatkkaskuvllas.